Rusiya Ukrayna-Polşa sərhədi yaxınlığında, Britaniyanın keçmiş Baş naziri Boris Conson, İsveç Baş naziri Karl Bildt və Britaniya milli təhlükəsizlik müşaviri Conatan Pauellin olduğu qatarın keçidindən bir neçə dəqiqə sonra arxada başqa qatarı bir hədəf alıb.
Britaniya mediasında yer alan xəbərlərə görə , Rusiya qatarın lokomotivini hədəfə alıb, lakin hadisə nəticəsində ölən və ya yaralanan olmayıb.
Rusiyanın hədəf aldığı qatardan bir neçə dəqiqə əvvəl aralarında Boris Conson, Bildt və Pauell də olduğu bir qrup avropalı siyasətçi və diplomatı daşıyan qatar eyni yerdən keçib. Hadisə onlar Kiyevdə keçirilən konfransdan qayıdarkən vaxt baş verib.
Conson da hadisə ilə bağlı X sosial media hesabında paylaşım edib. O, paylaşımında bildirib: "(Rusiya Prezidenti Vladimir) Putini bu səhər Polşa sərhədində dayanan Ukrayna lokomotivini partlatmağa hansı məntiqin vadar etdiyini bilmirəm. Bildiyimiz tək şey odur ki, ukraynalılar hər gün buna məruz qalırlar; bu, hətta mülki dəmir yollarını da hədəf alan təsadüfi və mənasız bir hücumdur.
Conson qeyd edib ki, Rusiya hücumlarında Ukrayna Dəmir Yollarının 1700 işçisinin öldürülüb: "Onlara lazım olan hava hücumundan müdafiə sistemlərini nə vaxt verəcəyik? Niyə Putinin dondurulmuş aktivlərini buraxıb Ukraynaya vermirik? Belçikada bir bank hesabında 140 milyard avrodan çox, Londonda isə təxminən 10 milyard funt sterlinq var. Britaniya bu məsələdə liderliyi ələ ala bilər".
Bildt öz paylaşımında bir neçə dəqiqə geridə qalan qatarın hədəf olduğunu, lakin Rusiya dronlarının aşkarlanmasından sonra qatarın təxliyə edildiyini və beləliklə, insan itkisinin qarşısının alındığını bildirib.
Polşanın Baş naziri Donald Tusk isə hücumun Polşa sərhədindən 800 metr aralıda baş verdiyini qeyd edib.
Almaniya kansleri Mertsin xarici və təhlükəsizlik siyasəti üzrə müşaviri Günter Sautter və Yaşıllar Partiyasının üzvü və Almaniya-Ukrayna Parlament Dostluq Qrupunun sədri Robin Vagenerin də Polşa sərhədi yaxınlığında Rusiya dronları tərəfindən hücuma məruz qalan qatarın düz qarşısında hərəkət edən başqa bir qatarda olduqları bildirilir.
"Der Spiegel" jurnalının xəbərinə görə, Mertsin ən yaxın məsləhətçilərindən biri olan Günter Sautter də dron təhlükəsi səbəbindən dayandırılan qatarda olub.
Tahir TAĞIYEV
