ABŞ Prezidenti Donald Trampın İranla müharibənin başlanğıcından bəri neft və qaz sektoruna yatırdığı investisiyalar ona 1,5 milyon dollardan 4,4 milyon dollara qədər gəlir gətirib.
CNBC xəbər verir ki, müharibənin ilk altı ayı ərzində Trampın investisiya hesabları enerji səhmləri ilə aktiv şəkildə ticarət etməyə davam edib: “Müharibə ərəfəsi (27 fevral) ilə 31 avqust arasında onun neft və qaz şirkətlərinə qoyduğu doqquz ən böyük investisiya təxminən 1,5 milyon dollar artaraq 4,4 milyon dollara çatıb.
Telekanal Amerika liderinin hissələri olan doqquz şirkətin adını da açıqlayıb: Chevron, ConocoPhilips, Exxon Mobil, Kinder Morgan, Marathon Petroleum, Occidental Petroleum, Phillips 66, Valero Energy və Williams Companies.
CNBC, Ağ Evin sözçüsü Devis İnqlə istinadən əlavə edir ki, nə Tramp, nə də ailə üzvləri aktivləri ilə bağlı istiqamətləndirmək, təsir göstərmək və ya təlimat vermək qabiliyyətinə malik deyillər və bütün investisiya qərarları müstəqil menecerlər tərəfindən qəbul edilir.
Fevralın 28-də ABŞ və İsrail İrandakı hədəflərə zərbələr endirməyə başlayıblar və İran da buna öz zərbələri ilə cavab verib. İyunun ortalarında Tehran və Vaşinqton hərbi əməliyyatların dayandırılması haqqında memorandum imzalayıblar, lakin sonradan hücumlar yenidən başlayıb. Münaqişə hələ də həll olunmayıb.
Artan münaqişə qlobal neft, neft məhsulları və mayeləşdirilmiş təbii qazın əsas təchizat marşrutu olan Hörmüz boğazından gəmilərin hərəkətini faktiki olaraq dayandırıb. Nəticədə, əksər ölkələrdə yanacaq qiymətləri artıb.
Tahir TAĞIYEV
