ABŞ-ın Merilənd ştatındakı federal rayon məhkəməsi ABŞ prezidenti Donald Trampın ölkədə sözdə doğum turizmini qadağan edən fərmanının icrasını müvəqqəti olaraq dayandırıb.
Məhkəmə qərarına əsasən, Vaşinqton administrasiyası müvəqqəti olaraq prezidentin sərəncamının bəzi əsas müddəalarını həyata keçirməkdən azad edilib. Bu sərəncam Tramp tərəfindən avqustun əvvəlində imzalanıb və xarici vətəndaşların ABŞ-a xüsusi olaraq uşaq dünyaya gətirmək və sonradan Amerika vətəndaşı olmaq təcrübəsinin qarşısını almağa yönəlib.
Məhkəmənin qərarı qəti deyil. İş davam edir. İş miqrant hüquqları təşkilatları tərəfindən qaldırılan iddia əsasında başlayıb.
Merilənd ştatının federal rayon məhkəməsi Amerika liderinin sözügedən icra sərəncamının ABŞ Ali Məhkəməsinin qərarı ilə ziddiyyət təşkil etdiyinə qərar verib. İyun ayında ölkənin ən yüksək məhkəməsi Trampın doğum hüququ ilə vətəndaşlığı məhdudlaşdırmağı hədəfləyən başqa bir icra sərəncamını konstitusiyaya zidd hesab edib. Amerika lideri sənədi 20 yanvar 2025-ci ildə andiçmə mərasimindən sonra imzalamışdı. Sərəncamla dövlət qurumlarına valideynləri qanunsuz olaraq ABŞ-da olan, eləcə də yeni doğulmuş uşağın anası ölkəyə müvəqqəti olaraq, o cümlədən başqa bir ölkə ilə vizasız rejim çərçivəsində və ya tələbə, iş və ya turist vizası ilə daxil olan və atası ABŞ vətəndaşı və ya daimi sakini olmayan uşaqlara vətəndaşlıqlıq verməmək tapşırığı verilirdi.
Amerika Vətəndaş Müharibəsindən (1861–1865) sonra qəbul edilmiş Doğum hüququ düzəlişi, afroamerikalıların vətəndaşlığını rədd edən 1857-ci il tarixli Ali Məhkəmə qərarını ləğv etmişdi.
Tahir TAĞIYEV
