ABŞ Müdafiə Nazirliyində yüksək vəzifəli bir istefa baş verib. Ordu naziri Den Driskol Müdafiə Naziri Pit Heqsetlə aylarla davam edən fikir ayrılığından sonra istefa ərizəsini Prezident Donald Trampa təqdim edib. Driskolun getməsi ilə ordunun artıq Senat tərəfindən təsdiqlənmiş yüksək vəzifəli mülki və ya hərbi lideri olmayacaq.
Driskol aylardır ki, Heqsetlə gərginlik yaşayırdı. The Wall Street Journal qəzetinin məlumatına görə, Driscoll ilə müdafiə naziri arasındakı fikir ayrılığı ordunun rəhbərliyində və yüksək komandanlıq strukturunda dəyişikliklərlə bağlı idi.
Driscoll aprel ayında Heqset tərəfindən vəzifəsindən azad edilən Ordu Qərargahının keçmiş sədri general Rendi Corc ilə sıx əməkdaşlıq etmişdi. Hər ikisi əsgərlərin yeni texnologiyaların daha tez mənimsənilməsinə və ordunun döyüş meydanındakı dəyişən təhdidlərə uyğunlaşmasına kömək etmək üçün müxtəlif tədqiqatlar aparmışdılar.
Ötən həftə Heqsetin rütbəsindən endirilməsindən sonra hərbi karyerasına son qoyan general Kris Donahuenin getməsi Heqsetin general və admiralların ümumi sayını 10 faiz, dördulduzlu komandirlərin sayını isə 20 faiz azaltmaq planının bir hissəsi kimi izah edilirdi.
İstefadan sonra Senat tərəfindən təsdiqlənən orduda yüksək vəzifəli mülki və ya hərbi lider olmayacaq. General Corcun vəzifədən uzaqlaşdırılmasından sonra general Kristofer LaNiv Ordunun Birləşmiş Qərargah Rəisləri Komitəsinin sədri vəzifəsini icra edir.
Driskolun getməsindən sonra ordu katibinin müavini Mayk Obadalın nazirlikdə ən yüksək rütbəli mülki məmur olacağı gözlənilir.
Bəzi Respublikaçı qanunvericilərin Heqsetin LaNivi Ordu Qərargahının daimi sədri kimi görmək istəyinə qarşı çıxdığı bildirilir və onun namizədliyi Senatın təsdiq prosesini təhlükə altına ala bilər.
Driskolun Tramp administrasiyası daxilindəki diqqət çəkən əlaqələrindən biri onun vitse-prezident Venslə keçmişidir. Hər ikisi hüquq məktəbində sinif yoldaşı olublar. “Axios” a görə, Heqset və Driskol arasındakı münasibətlər uzun müddətdir gərgin olub, lakin Driskolun Vensə yaxınlığı ona administrasiya daxilində müəyyən dərəcədə qorunma təmin edirdi.
"The New York Times" qəzeti yazır ki, ikisi arasındakı gərginliyin digər bir səbəbi hərbi yüksəlişlərlə bağlı olub. Məlumata görə, Heqset iki qaradərili kişi və iki qaradərili qadın zabiti yüksəliş siyahısından çıxarmaq istəyib, lakin Driskol buna qarşı çıxıb.
Driskolun vəzifədə olduğu müddətdə ordunun modernləşdirilməsi və hərbi məqsədlər üçün yeni texnologiyaların tətbiqi əsas prioritetlər olub. Hətta hərbi modernləşdirmə səylərindəki roluna görə Driskol "dron adamı" ləqəbini alıb.
Tahir TAĞIYEV
