Nepal hakimiyyəti və polisi Tibetin yuxarı hissəsində bəndin partlaması barədə təcili açıqlama yayıb.
Nepal polisi axtarış-xilasetmə əməliyyatlarının davam etdiyi ərazidəki riskin dərəcəsini vurğulayaraq, əhaliyə çağırış edib: "Tibet tərəfində su bəndinin yenidən partlaması barədə məlumat aldıq. Bütün təhlükəsizlik işçilərindən, xilasetmə qruplarından və xilasetmə və yardım əməliyyatlarında iştirak edən ictimaiyyətdən ayıq-sayıq olmaları və dərhal təhlükəsiz yerə köçmələri xahiş olunur."
Nepalın Çinlə sərhədə yaxın Rasuva bölgəsində və ətrafında bir neçə gün əvvəl baş verən daşqınlar nəticəsində ölənlərin sayı 469-a çatıb. Fəlakətdən təsirlənən daşqın suları altında qalanların xilas edilməsi üçün xilasetmə işləri davam edir.
Nepal rəsmiləri daşqın suları nəticəsində onlarla körpünün dağıldığını və yolların zədələndiyini, həmçinin axtarış-xilasetmə əməliyyatları üçün helikopterlərin cəlb olunduğunu bildirib.
Tahir TAĞIYEV
