İranla münaqişələr səbəbindən Yaxın Şərqdə yerləşdirilən ABŞ təyyarədaşıyan gəmisi “USS Abraham Linkoln”da uzunmüddətli missiya və sərt yaşayış şəraiti nəticəsində ciddi bir ruhi sağlamlıq böhranının yaşandığı iddia edilir.
250 gündür quruya ayaq basmadan dənizdə olan təyyarədaşıyan gəmidə xidmət edən təxminən 5000 şəxsi heyətin psixoloji cəhətdən gərgin vəziyyətdə olduğu, hətta bəzi əsgərlərin dənizə tullanaraq intihar etməyə cəhd etdiyi bildirilir.
"Navy Times" və "Stars and Stripes" xəbər saytlarına danışan əsgərlərin ailələri bildiriblər ki, əsgərlər missiya müddətinin uzadılmasından sonra intihar etməyə cəhd edirlər. San Dieqoda dəniz rəsmiləri ilə görüşdə bir xanım hərbi komandanlığa qəzəblənərək bildirib ki, həyat yoldaşı ona "Ümid edirəm ki, sabah oyanmayacağam" mesajı göndərib.
İranın Tasnim Xəbər Agentliyi isə, ABŞ-ın "Abraham Lincoln" gəmisində silahlı qarşıdurma baş verdiyini iddia edib. Agentlik yeddi Hərbi Dəniz Qüvvələrinin əsgərinin öldüyünü və bir neçə nəfərin yaralandığını bildirir.
Məsələ ilə tanış olan hərbi mənbənin sözlərinə görə, hadisə ABŞ Mərkəzi Komandanlığının (CENTCOM) komandanının müşaviri Bred Kuperin müşavirinin gəminin ailələrin missiya müddətinin uzadılmasına təpki göstərməsindən sonra ekipaj üzvlərinin artan şikayətlərini həll etmək üçün gəmiyə minməsindən sonra baş verib.
Məlumata görə, məsləhətçi personalla danışarkən ona su şüşələri atılıb və fitə basılıb.
Hərbi mənbənin məlumatına görə, toqquşma daha sonra bıçaq və digər kəsici alətlərin dəistifadə edildiyi davaya çevrilib və nəticədə yeddi əsgər həlak olub, bir neçə nəfər isə yaralanıb.
“USS Abraham Linkoln” Yaxın Şərqdəki missiyasının uzunluğu və əsgərlərin qohumlarının gəmidəki psixoloji vəziyyət, təhlükəsizlik və yaşayış şəraiti ilə bağlı şikayətlərindən sonra yenidən senatorların da diqqətini çəkib.
Demokrat senator Riçard Blumental Müdafiə naziri Pit Heqsetə və Hərbi Dəniz Qüvvələrinin müşaviri Hunq Kaoya ünvanladığı açıq məktubda, onlara gəminin missiyasının may ayında başa çatmalı olduğunu, lakin müddətin qeyri-müəyyən müddətə uzadıldığını xatırladıb.
Blumental, gəmidə əsas təchizatın azalması, suyun çirklənməsi, santexnika problemləri, əsgərlərin ruhi sağlamlığının pisləşməsi, təhlükəsizliklə bağlı narahatlıqlar və yardım paketlərinin aylarla çatması ilə bağlı iddialara diqqət çəkərək, bu məsələlərin "təcili şəkildə araşdırılmasının vacibliyini" bildirib.
"Əgər administrasiya regionda uzunmüddətli hərbi əməliyyat və ya təyyarədaşıyan gəminin mövcudluğunu davam etdirmək niyyətindədirsə, mövcud əməliyyat ehtiyaclarının sabah hazırlıq baxımından böhrana səbəb olmamasını necə təmin edəcəyini izah etməlidir" – deyə Blumental bildirib.
Digər demokrat senator Ruben Qalleqo da X sosial media hesabından bir xəbərə sitat gətirərək bildirib ki, "gəminin missiyasının uzadıldıqdan sonra bir çox əsgər özünü dənizə atmağa cəhd edib".
Vəziyyəti "dəhşətli" adlandıran Qalleqo, konqresmenlərdən ibarət nümayəndə heyətinin gəmini yoxlamasına icazə verilməsini tələb edib.
Bəzi hərbi ailələr də İrana qarşı hücumlarda xidmət edən “USS Abraham Linkoln” gəmisindəki qohumlarının gəmidəki çətin şəraitdən və uzunmüddətli dislokasiyadan narahat olduqlarını bildiriblər.
Tahir TAĞIYEV
