Ekspertlər və diplomatlar Rusiya ilə Britaniya arasında dənizdə baş verən lokal insidentlərin təsadüfən daha geniş və birbaşa hərbi münaqişəyə səbəb ola biləcəyi barədə xəbərdarlıq edirlər.
"The Times" qəzetinin məlumatına görə, Britaniya hökumətindəki mənbələr qeyd edirlər ki, Britaniya tərəfi dialoqa can atır, lakin təşəbbüs rusiyalı həmkarları zənglərə cavab vermədiyi üçün dayanıb.
Britaniya və Rusiya hərbi liderləri dörd ildir ki, danışmırlar və diplomatlar açıq dənizlərdə anlaşılmazlığın daha geniş münaqişəyə səbəb ola biləcəyindən qorxurlar.
Britaniya müdafiə rəhbərləri və hökumət rəsmiləri gözlənilməz eskalasiyanın qarşısını almaq üçün Moskva ilə yüksək səviyyəli əlaqələri bərpa etmək üçün artan təzyiqlə üzləşirlər. Britaniya və Rusiya hərbi liderləri arasında birbaşa dialoq 2022-ci ilin sentyabr ayından bəri təxminən dörd ildir ki, dayandırılıb.
Riçard Nayton Böyük Britaniya Müdafiə Qərargahının rəisi vəzifəsini tutduqdan sonra Rusiya Silahlı Qüvvələrinin Baş Qərargah rəisi Gerasimovla əlaqə saxlamağa çalışsa da, zəngləri cavabsız qalıb.
Tahir TAĞIYEV
