İsraili sərt tənqid edən Nyu-York meri Zöhran Mamdani qalmaqallı bir təklif alıb. İsrailin Tel-Əviv şəhərinin mer müavini Qay Avner Mamdanini boks matçına çağıraraq, onu "ideoloji fikir ayrılıqlarını" rinqdə həll etməyə dəvət edib.
Avner sosial media hesabında paylaşdığı videoda İsrail Baş naziri Benyamin Netanyahunun Qəzzadakıolaylara görə, Haaqada mühakimə olunmalı olduğunu deyən Mamdani ilə boks rinqində qarşılaşmaq istədiyini bildirib.
Təl-Əviv merinin müavini kimi Mamdaniyə qarşı "rinqdə möhkəm dayanacağını" iddia edən Avner, "Mən Amerikanı, Nyu-Yorku sevirəm, amma sən, Mamdani, sən bir fəlakətsən" deyib.
Avner Mamdaniyə meydan oxuyaraq dedi: "Səni izləyirəm. Qaçacaq yerin yoxdur, gizlənəcək yerin yoxdur. Vaxt gəldi. Sən və mən, üz-üzə. Görərik".
Matçın İsraildə keçirilməsini təklif edən Avner, Qəzzada törədilən müharibə cinayətləri və insanlığa qarşı cinayətlərə görə həbs qərarı olan Netanyahu ilə bağlı Mamdaninin açıqlamalarına işarə edərək, "Matçı Təl-Əvivdə keçirə bilərik. Narahat olmayın, həbs olunmayacaqsınız" deyib.
Avner həmçinin əlavə edib ki, bilet satışından və yayım hüquqlarından əldə edilən bütün gəlir Mamdaninin seçdiyi xeyriyyə təşkilatına bağışlana bilər.
Tahir TAĞIYEV
