Ukrayna Silahlı Qüvvələrinin dronları Samara bölgəsindəki Wildberries anbarına zərbə endirib. Bu barədə vilayət qubernatoru Vyaçeslav Fedorişev Telegram-da bildirib.
Samara vilayətinin Novosemeikino qəsəbəsində yerləşən logistika mərkəzində dron hücumundan sonra yanğın baş verib.
Qubernatorun sözlərinə görə, hadisə yerində təcili yardım xidmətləri işləyir. Wildberries & Russ şirkətinin mətbuat xidməti hücumun anbarda yanğınla nəticələndiyini təsdiqləyib. İlkin məlumatlara görə, xəsarət alan olmayıb.
Şirkət logistika proseslərinin tez bir zamanda yenidən qurulduğunu bildirib, çatdırılmaların qəbulu və sifarişlərin göndərilməsi digər müəssisələr vasitəsilə davam edir.
Logistika mərkəzi 2025-ci ilin may ayında açılıb. Təxminən 130.000 kvadrat metr ərazini əhatə edir və tam fəaliyyətə başladıqdan sonra anbarda 120 milyona qədər əşyanın saxlanması nəzərdə tutulurdu.
Wildberries Rusiyanın ən böyük onlayn pərakəndə satış şirkətidir.
Bundan əvvəl "Kommersant" qəzeti yazıb ki, 18 iyulda Ukrayna Silahlı Qüvvələri ilk dəfə olaraq Wildberries anbarlarına - Moskva yaxınlığındakı Elektrostal və Tambov bölgəsindəki Kotovskda - zərbələr endirib. Sonrakı hücumlardan sonra şirkət təxminən 444 min kvadrat metrə bərabər olan logistika tutumunun ən azı 8%-nin sıradan çıxarıldığını bildirib.
Tahir TAĞIYEV
