Amerika xüsusi əməliyyat qüvvələri İranın zənginləşdirilmiş uranını ələ keçirmək üçün "hərbi tarixdə ən mürəkkəb əməliyyata" başlamağa hazırlaşır.
"The New York Post" qəzetinə bir mənbə bildirib ki, olduqca mürəkkəb əməliyyat minlərlə quru qoşunu ilə İranın nüvə obyektlərinə hücum etməyi, çox sayda tələ qurmağı, tikinti briqadalarından istifadə etməyi və obyektlərin ətrafında böyük bir müdafiə bloku yaratmağı əhatə edir.
Daha sonra kiçik bir xüsusi təyinatlı qrup dağıntıların aradan qaldırılması əməliyyatını həyata keçirəcək. Belə bir halda, ABŞ ordusu eyni anda həm obyektlərin dağıdılmış girişlərini təmizləməli, həm də İran ordusunun hücumlarını dəf etməli olacaq.
Bundan əlavə, bu əməliyyat hava dəhlizi üzərində tam nəzarət tələb edəcək ki, bu da uranı götürdükdən sonra hərbçilərin bölgədən təhlükəsiz şəkildə uçması üçün çox vacibdir.
Tahir TAĞIYEV
