Tramp administrasiyası bu il Venesuelanın neft satışından 13 milyard dollardan çox gəlir əldə etsə də, bu vəsaitlərin son məqsədi və ya istifadəsi ilə bağlı demək olar ki, heç bir açıqlama verməyib.
Financial Times qəzetinin məlumatına görə, Venesuela hökuməti ABŞ tərəfindən tənzimlənən neft satışlarından əldə edilən gəlirləri izləmək üçün veb sayt yaradıb, lakin indiyə qədər saytda yalnız bir qeyd var - mart ayında tamamlanan 300 milyon dollarlıq köçürmə.
ABŞ yanvar ayında Maduronu devirdikdən və Delsi Rodrigezi vitse-prezident təyin etdikdən sonra Venesuelanın neft ixracına nəzarəti ələ keçirib. Lakin ABŞ-ın fondlara nəzarəti ələ keçirməsindən altı ay sonra iqtisadçılar Venesuelada iqtisadi bərpa əlamətlərinin nisbətən zəif olaraq qaldığını bildirirlər.
Geri ödəmələrin olmaması, Vaşinqtonun gəlirin tam məbləğini Karakasa qaytarmadığının potensial əlaməti kimi qəbul edilir.
Hər iki siyasi partiyadan olan ABŞ qanunvericiləri administrasiyaya isə pulun hara getdiyini və onun paylanmasında korrupsiyanın qarşısını almaq üçün hansı tədbirlərin görüldüyünü aydınlaşdırmaq üçün administrasiyaya təzyiq göstərməyə başlayıblar.
Tahir TAĞIYEV
