Avropa İttifaqı (AB) Rusiya əleyhinə sanksiyaların 21-ci paketini azaldılmış formatda qəbul etməyə razılaşıb. Bu barədə İrlandiyanın xarici işlər naziri Helen MakEnti iyulun 23-də bildirib.
"21-ci sanksiya paketi ilə bağlı razılığa gəldiyimizə şadıq. Avropa Ukraynanı dəstəkləyir", - deyə o, sosial media platforması X səhifəsində yazıb.
MakEntinin sözlərinə görə, Rusiyaya qarşı görülən tədbirlər onun gəlir axınlarını pozmağa və iddia edilən "kölgə donanması" ilə mübarizə aparmağa yönəlib. İrlandiya xarici işlər naziri qeyd edib ki, bunlar həm də Rusiyanın təchizat zəncirlərini pozmağa yönəlib.
Avropa Komissiyasının prezidenti Ursula fon der Lyayen isə özünün X səhifəsində bu sanksiya paketini alqışladığını və McEntee-yə köməyinə görə təşəkkür etdiyini yazıb. O, əlavə edib ki, sanksiya siyahısına daha 32 Rusiya bankı əlavə edilib və bu banklara əməliyyatlar aparmaq qadağan edilib. Bir sıra kriptovalyuta şirkətləri və neft ticarət platformaları da paket’ əlavə edilib.
AB, həmçinin Moskvanın bazar şoklarından faydalanmasının qarşısını almaq üçün Rusiya neftinin qiymət həddinin tənzimlənməsini bir il müddətinə donduracaq.
Lyayen qeyd edib ki, AB ilk dəfə olaraq Rusiyanın “kölgə donanmasına” kömək edən gəmiləri də hədəfə alacaq.
O, tərəflərin Rusiya Silahlı Qüvvələri heyətinin AB-yə girişinə qadağa qoymaq istiqamətində də "mühüm addım" atmağa nail olduqlarını deyib. Ancaq o, bu barədə əlavə məlumat verməyib.
Tahir TAĞIYEV
