Macarıstan, İsrail Baş naziri Benyamin Netanyahu Budapeştə səfər edərsə, onu həbs edəcək. Bu barədə 21 apreldə Macarıstan seçkilərində qalib gələn və baş nazir olacaq Tisza partiyasının lideri Peter Magyar məlumat verib.
"Politico" onun sözlərinə istinadən bildirir ki, "İsrail Baş naziri Benyamin Netanyahu Beynəlxalq Cinayət Məhkəməsinin axtarış siyahısında olarkən Macarıstana daxil olarsa ölkə onu həbs etməlidir".
Xəbərdə qeyd edilir ki, BCM hələ 21 noyabr 2024-cü ildə Netanyahu və keçmiş müdafiə naziri Yoav Qalant barəsində həbs qərarı verib. Məhkəmənin İsrail baş naziri və keçmiş müdafiə nazirinin "mülki əhaliyə qəsdən hücum etmək kimi müharibə cinayətinə" görə cinayət məsuliyyəti daşıdığına dair ciddi əsasları olduğu bildirilir.
Xəbərdə o da deyilir ki, 2025-ci ilin may ayında Macarıstan parlamenti Beynəlxalq Cinayət Məhkəməsindən çıxmaqla bağlı qanun layihəsini təsdiqləyib. Macarıstanın Baş naziri Viktor Orban və digər siyasətçilər məhkəmənin müstəqilliyini itirdiyini və siyasiləşdiyini bildiriblər.
Oktyabr ayında Macarıstanın xarici işlər naziri Peter Sijjarto Beynəlxalq Cinayət Məhkəməsini "məhkəmə prosedurları fenomenini və məhkəmənin işini alçaldan" siyasi orqan elan edib. O, Netanyahunun həbs qərarının dönüş nöqtəsi olduğunu deyib.
SAMİRƏ
