ABŞ və Vatikan arasındakı gərginlik "İran müharibəsi" səbəbindən qırılma nöqtəsinə çatıb. İranla müharibəyə qarşı çıxan Papa XIV Leonu diz çökdürmək üçün Vatikanı "hərbi güc"lə hədələyən Pentaqon rəsmisinin, Vatikan səfirinə "hər şey etmək üçün hərbi gücümüz var" deyərək gözdağı verməsi Avropa ölkələrini qəzəbləndirib.
Vaşinqton dəhlizlərini qarışdıran iddialara görə, ABŞ müdafiə nazirinin müavini Elbrik Kolbi Vatikanın Vaşinqtondakı səfiri kardinal Kristof Pyeri ofisinə çağırıb və onu hədələyib.
Sızdırılan məlumatlara görə, Kolbi Vaşinqtonun "istədiyini etmək üçün hərbi gücə malik olduğunu" deyib və bildirib ki, Kilsə ABŞ-ın yanında dayanmalıdır.
Görüş zamanı, 14-cü əsrdə Fransa krallarının papa hakimiyyətini hərbi güclə boğduğu "Avinyon Papalığı" dövrünü xatırladan ABŞ rəsmiləri, Vatikanı açıq şəkildə qorxutmağa çalışıblar.
Bütün bunlardan sonra Pentaqon yeni bir açıqlama yayıb. Pentaqon Twitter vasitəsilə verdiyi açıqlamada görüşün baş tutduğunu etiraf edib, lakin bunun "hörmətli” bir müzakirə olduğunu iddia edib.
Gərginliyin pərdələnməsinə çalışıldığı açıq görünün açıqlamada "Görüş haqqında məlumatlar son dərəcə şişirdilmiş və təhrif olunmuş şəkildədir. Görüşdə yalnız strateji məsələlər və xarici siyasətdəki etik məsələlər müzakirə olundu" bildirilir.
Amerikada anadan olmuş ilk Papa olan XIV Leo, Tramp administrasiyasının İrana qarşı hərbi əməliyyatlarını hədəf Alana açıqlama verib. Bazar günü duasında ABŞ-ın İrana hücumlarını "qanunsuz və əxlaqsız" adlandıran Papa, dünya liderlərini "gücə əsaslanan diplomatiyadan" imtina etməyə çağırıb.
Trampın İran sivilizasiyasını məhv etmək təhdidinə reaksiya verən Papa, bütün xoşməramlı insanları müharibəni rədd etməyə dəvət edib.
Bu gərginliklər fonunda Papanın bu il ABŞ-a planlaşdırılan səfəri qeyri-müəyyən müddətə təxirə salınıb.
Tahir TAĞIYEV
