İslamabadda danışıqlar başa çatıb. İran mediası tərəflərin əsas məsələlərlə bağlı yazılı bəyanatlar mübadiləsinə başladığını bildirib.
XXX
Hazırda İslamabadda ABŞ, İran və Pakistandan nümayəndə heyətləri arasında danışıqlar bir iki saatdan çoxdur davam edir. Danışıqlarda Vens, Uitkoff, Kusner, Qalibaf Arakçi və Pakistan Ordu Qərargah rəisi iştirak edir.
İran Xarici İşlər Nazirliyinin sözçüsü İranın 10 maddəlik təklifinin Pakistana çatdırıldığını açıqlayıb. İran dövlət televiziyası Hörmüz, müharibə təzminatları, dondurulmuşaktivlərin azad olunması və bölgədə atəşkəsin Tehranın qırmızı xətləri olduğunu bildirib.
Danışıqların getdiyi bir vaxtda Tramp İranın yaxın gələcəkdə Hörmüz boğazını açacağını irəli sürərək, İrana təhdid dolu mesaj göndərib.
"Biz indi Hörmüz boğazının təmizlənməsi prosesinə başlayırıq. İslamabadda danışıqlar başlayıb və Tehran çox da uzaq olmayan gələcəkdə Hörmüzü açacaq. İranla danışıqlar yaxşı getməsə, biz tədbir görməyə hazırıq" - Tramp bildirib.
İranın dövlət mediası və diplomatik mənbələr ABŞ-la danışıqlarda Livan da daxil olmaqla ümumi atəşkəs barədə razılığa gəlindiyini açıqlayıblar.
İran xarici işlər nazirinin müavini Kazem Qəribabadi Pakistanda davam edən danışıqlarla bağlı bildirib ki, danışıqlarda iştirak edən İran nümayəndə heyətinin səviyyəsi İranın ciddiliyini göstərir: "İslamabadda danışıqlarda iştirak edən İran nümayəndə heyətinin səviyyəsi İranın ciddiliyini göstərir".
Qəribabadi bunu bildirərkən, ölkəsinin "hər ssenariyə ciddi şəkildə hazır olduğunu" da xəbərdar edib.
Bu arada, “Tasnim” xəbər agentliyi ABŞ, İran və Pakistan arasında danışıqlar daha bir gün uzadıla biləcəyini bildirib. "Texniki müzakirələr prosesi daha bir gün uzadıla bilər, lakin hələlik yekun qərar verilməyib", - deyə bildirilib.
İran prezidenti Pezeşkian isə Pakistana gedən İran nümayəndə heyətinin İranın maraqlarının sarsılmaz müdafiəçisi olduğunu və bu istiqamətdə cəsarətlə danışıqlar aparacağını bildirib: “Danışıqların nəticəsindən asılı olmayaraq, hökumət xalqın yanında olacaq".
Tahir TAĞIYEV
