Tramp gələndən Ağ Evdəki darıxdırıcı görüşləri maraqlı qladiator döyüşlərinə çevirdi
NBC News xəbər verir ki, Ukrayna prezidenti Vladimir Zelenski və İordaniya kralı Abdullanı “parçaladıqdan” sonra Cənubi Afrika Respublikasının prezidenti Kiril Ramafosa digər dünya liderlərinə ABŞ prezidenti Donald Trampın Oval kabinetində “ayılarla döyüşə” necə hazırlaşmaq lazım olduğunu göstərdi. Medianın qeyd etdiyi kimi, Ağ Evdəki bu görüşlər tarixən boşboğazlıqlar və geosiyasi jarqonlarla zəngin olub. "Ancaq ofisini qladiator arenasına çevirən Trampın ikinci dövr prezidentliyində belə olmadı. Fevral ayında vitse-prezident Vens Ağ evdə Zelenskiyə heyrətamiz hücum etdi. Elə həmin ay İordaniya Prezidenti Abdullah Tramp Qəzza zolağına nəzarəti ələ keçirmək planlarını təfərrüatlandırarkən məyusluğunu gizlədə bilmədi. Lakin çərşənbə günü Cənubi Afrika Respublikasının lideri Trampı təəccübləndirdi. Belə ki, digər liderlərdən fərqli olaraq, Ramafosa - keçmiş həmkarlar ittifaqı lideri və aparteidə son qoymağa nail olan Nelson Mandelanın müttəfiqi görüşə - açıq şəkildə hazır idi. Media vurğulayır ki, o, sakit, fasiləsiz və nəzakətlə danışıb, lakin Trampla qəti şəkildə razılaşmayıb
Surxay Əliyev
