ABŞ Senatı Rusiya prezidenti Vladimir Putindən Ukraynada müharibəyə son qoymaq üçün real addımlar atmasını gözləyir. Əks halda, bir neçə gün ərzində 80-dən çox səsə malik yeni anti-Rusiya sanksiyalarının tətbiqi ilə bağlı qanun layihəsi səsverməyə çıxarılacaq. Bu barədə qanun layihəsinin müəllifləri demokrat senator Riçard Blumental və respublikaçı Lindsi Qremin birgə bəyanatında deyilir. "Vəziyyət olduğu kimi qalarsa, Rusiya Birləşmiş Ştatların Senatından qəti addım gözləyə bilər.Və biz son dərəcə məmnunuq ki, hazırda Rusiyanı Ukraynanı işğal etdiyinə görə sanksiya tətbiq edəcək qanun layihəsinin 81 həmmüəllifi var. Qanunvericiliyimiz Rusiyanı təcrid edərək onu ticarət adasına çevirəcək", - deyə qanun layihəsində deyilir. Qanun layihəsində xüsusilə Rusiyadan neft, qaz, uran və digər məhsullar alan ölkələrdən idxal olunan mallara 500 faizlik gömrük rüsumunun tətbiqi nəzərdə tutulur.
Surxay Əliyev
