Trampın verdiyi hər bir açıqlama onun ərazisi işğal edilən,əhalisi qətliam edilib –dərbədər edilib didərgin düşən,şəhərləri-kəndləri xarabazara çevrilən Ukraynaya necə biganə olduğunu büruzə verir.Belə ki,o,zərurət yaranarsa, Rusiyaya qarşı “dağıdıcı” sanksiyalar tətbiq edə biləcəyini deyir, dərhal da sözünü dəyişib əlavə edir ki,lakin o,bunu etməməyə üstünlük verəcək. CNN-in yaydığı məlumata görə, ABŞ prezidenti Tramp guya Rusiya rəhbərinin Türkiyəyə səfər etmədiyi üçün Ukrayna danışıqlarıından imtina etdiyini bildirib. Onun sözlərinə görə, o, Qətər və BƏƏ səfərini yarımçıq qoymamaq üçün İstanbula getməyi planlaşdırmayıb. Bir sözlə ABŞ prezidentinin səsləndirdiyi hər bir söz-fikir,bir neçə dəqiqədən sonra səsləndirdiyi fikirlərlə ziddiyət təşkil edir,bir-birini təkzib edir.Belə ki, Rusiyaya qarşı “dağıdıcı” sanksiyalardan danışır və dərhal da sözünü dəyişərək sanki Putinə canıyananlıq edir: "Düşünürəm ki, Putin də bütün bunlardan yorulub. O,vəziyyətə başqa cür baxmaq istəsə də, o qədər də yaxşı görünmür. Yadda saxlayın, bu münaqişə bir həftəyə bitməli idi. Və o,tankları ilə birgə palçığa ilişməsəydi, 5 saata Kiyevdə olardı".Bir sözlə rabitəsiz və bir-birini təkzib edən,söz xatirinə işlədilən ifadələr.Daha sonra ABŞ prezidenti yenə Putinlə görüşünün planlaşdırılacağına və keçiriləcəyinə əmin olduğunu bildirib. Dərhal da Ağ evdəki qalmaqallı görüşdə səsləndirdiyi fikirlərə qayıdıb. Vladimir Zelenskinin Ukraynadakı müharibənin həlli ilə bağlı “hazırda danışıqlar mövqeyində kozırlarının olmadığı” fikrini təkrarlayıb. Nəhayət onun üçün əsil mətləbə gələn Tramp sevinclə vurğulayıb ki,"Dörd gündə Ukraynaya xərclədiyimizdən 12 dəfə çox qazandım. Amma bu pulların hara getdiyini düşünəndə - 60 milyard dollara çox qəzəbləndim. Sonda isə siyasətə biznesin gözüylə baxdığını bir daha ifadə edən Tramp sanki Ukrayna prezidentinə qibtə edir:- “Məncə, Zelenski dünyanın ən yaxşı iş adamıdır,o məndən də qat-qat yaxşı biznesmendir. Belə ki,o, Vaşinqtona gəlir, hər dəfə də on milyonlarla dollarla geri qayıdır", - deyəTramp əlavə edib.Bir sözlə Tramp Rusiya-Ukrayna münaqişəsini əməlli-başlı “yola verir”.Və belə getsə bu xəmir hələ çox su aparacaq.
Surxay Əliyev
