“Bloomberg”in köşə yazarı və politoloq Maks Hastinqs Ukrayna üçün həyəcanverici ssenari səsləndirib. Müəllif yazır ki, Ukrayna ətrafındakı geosiyasi hadisələri nəzərə alsaq, Zelenskinin gecələr yatmaqda çətinlik çəkməsi təəccüblü deyil. Çünki Ukrayna ətrafında geosiyasi vəziyyət getdikcə pisləşir. Rusiya lideri Vladimir Putin hələ də müharibədə “bütün kartları əlində saxlayır”, ABŞ prezidenti Donald Tramp isə hadisələrə biganəlik nümayiş etdirir. Ukraynanın Amerika yardımını itirmək riski qarşısındakı həssaslığını vurğulayan müəllif yazır: “Zelenskinin yatmaqda çətinlik çəkməsi heç də təəccüblü olmazdı”. Ötən həftə Vladimir Zelenski İstanbulda Putinlə görüşməyə hazır olduğunu bildirsə də, Rusiya prezidenti bundan imtina edərək,danışığa “Kreml kuklaları”ndan ibarət nümayəndə heyətini göndərdi. Tramp da öz növbəsində görüşü ləğv etdi. Bu isə ABŞ-ın davamlı dəstəyi ilə bağlı qeyri-müəyyənlik hissini daha da artırdı. Hastings keçmiş rəqibi Baydenin oğlunu nüfuzdan salmağa kömək etməkdən imtina edən Tramp və Zelenski arasında uzun müddətdir davam edən şəxsi münaqişəni xatırladıb:- “Tramp müharibənin hər iki tərəfinə qarşı səbirsizliyini və xüsusən də Zelenskiyə rəğbət bəsləmədiyini açıq şəkildə göstərdi”, - deyə politoloq qeyd edir. Resurslar azalarkən hərbi risklər də artır. Əgər ABŞ tədarükünü dayandırsa, “Ukrayna əsas sursatları bitənə qədər bəlkə də daha dörd ay döyüşə davam edə bilər”. “Bu arada Şimali Koreyadan ucuz silah-sursat alan Rusiya,muzdlulardan istifadə edir və səfərbərlik nisbəti baxımından qalib gəlir. Eyni zamanda, ukraynalı qaçqınlar arasında vətənə qayıtmaq həvəsi yoxdur” – deyə qeyd edən ekspert hesab edir ki,.ABŞ administrasiyası Ukraynanın məğlubiyyət təhlükəsinə biganə görünür. Kiyevə hücum hərəkətləri əvəzinə müdafiəyə diqqət yetirmək tövsiyə olunur. Hastings qeyd edir ki, ukraynalılar asimmetrik müharibədə əla iş görürlər, lakin Putin bütün ölkəyə nəzarəti ələ keçirmək, hökuməti devirmək və kuklalar quraşdırmaqda qərarlıdır. Hastinqsin yazdığı kimi, Putinin fikrini dəyişməyin yeganə perspektivi ona həm hərbi, həm də iqtisadi təzyiqləri artırmaqdır. Hər şeydən əvvəl onu “ABŞ-ın ukraynalıları tərk etməyəcəyinə” inandırmaq lazımdır. Bununla belə, politoloq Trampın Ukraynaya hərbi dəstəyi dayandıracağı təqdirdə məyusedici proqnozunu da bölüşüb: "Ukrayna məhvə məhkumdur. Belə bir addım ABŞ-ın Qurucu Ataların dövründən demək olar ki, müdafiə etdiyi dəyərlərin rədd edilməsinə işarə edərdi"-deyə ekspert yekunlaşdırıb.
Surxay Əliyev
