Bu yaxınlarda Pakistanın istifadəsində olan Çinin J-10 qırıcısının Hindistanın, Fransa istehsalı olan “Rafale” təyyarəsini vurması hadisəsi təkcə Dehlini deyil, bütün Avropanı həyəcanlandırıb. Neue Zürcher Zeitung (NZZ) qəzetinin yazdığı kimi, bu, Hindistan üçün təkcə hərbi uğursuzluq deyil, həm də qlobal rəqabət kontekstində Avropanın avtonom çəkindirmə qabiliyyətini şübhə altına alan texnoloji və strateji çağırışdır. Sindoor əməliyyatının uğursuzluğu və onun nəticələri Hindistan Hərbi Hava Qüvvələrinin Sindoor əməliyyatı Pakistanda şübhəli bilinən terror bazalarına qarşı sürətli və məqsədyönlü hərəkət kimi düşünülmüşdür. Ancaq hər şey gözlənilməz fiaskoya çevrildi.
Hindistanlı pilotlar ildırım sürətiylə, itkisiz hücum əvəzinə güclü atəşlə qarşılaşdılar və ən azı bir Rafale qırıcısını itirdilər. Təyyarənin qalıqları - quyruq hissəsi və mühərriki Hindistan ərazisində tapıldı,OSINT və Pakistan tərəfinin məlumatına görə, hava döyüşündə yüzə qədər təyyarə iştirak edib. İslamabadın məlumatına görə, döyüş nəticəsində üç “Rafale” və daha iki sovet qırıcısı vurulub. Hindistan bu xəbərləri rəsmən təkzib etməyə çalışaraq, əməliyyatın öz məqsədlərinə çatdığını və Kəşmirdəki ekstremist düşərgələrinin məhv edildiyini iddia etdi. Bununla belə, itki xəbərinə təkcə hərbi ekspertlər deyil, həm də maliyyə bazarları reaksiya verdi: Dassault Aviation səhmləri düşdü, J-10 istehsalçısı, Çinin Chengdu Aircraft şirkəti isə artım göstərdi. Ən diqqətçəkən odur ki, açıq mənbələrə görə, Rafale zərbə təyyarələri praktiki olaraq örtüksüz idi. Onlar eyni anda iki funksiyanı yerinə yetirirdilər: Skalp raketləri ilə yer hədəflərini vurdular və eyni zamanda Meteor raketləri ilə hava döyüşlərində iştirak etdilər. Bu cür taktikalar, xüsusən Pakistanın Çin texnologiyası əsasında qurulmuş güclü hava hücumundan müdafiə sistemi qarşısında pilotlara heç bir şans vermədi.
Surxay Əliyev
