Yunanıstanın “Kathimerini” qəzeti Türkiyənin Avropa təhlükəsizliyində artan roluna diqqət çəkərək, Yunanıstanın bu dəyişikliyə uyğunlaşmalı olduğunu vurğulayıb. Nəşrdə dərc edilən təhlili yazıda Türkiyə ilə sıx əlaqələr qurmaqdan başqa seçimlərinin olmadığı vurğulanıb. “Kathimerini” Türkiyənin qlobal sistemdə artan nüfuzu və Yunanıstanın izləməli olduğu siyasətlərin təhlilini dərc edib.
“Türkiyə ilə yaxşı əlaqələr qurmalıyıq” Yunanıstanla ABŞ-ın kimlik böhranı yaşadığı bir bir vaxtda Yunanıstanın Avropanın ən güclü ordularından birinə malik Türkiyə ilə sıx əlaqələr qurmaqdan başqa çarəsi yoxdur. Heç bir dünya liderinin Putinlə diplomatik mübarizədə prezident Ərdoğan qədər uğurlu olmadığına diqqət çəkən qonşu mətbuat Ankaranın müdafiə sənayesindəki effektiv imkanlarını xüsusi vurğulayır. Türkiyənin həm müdafiə, həm də maşınqayırma kimi yan sənayelərdə böyük bir işçi qüvvəsi və güclü istehsal bazası olduğu vurğulanır. “TÜRKİYƏ -AVROPA MÜNASİBƏTLƏRİNİ DƏSTƏKLƏMƏLİ...” Vaşinqtonun Avropada buraxdığı boşluğu məhz Türkiyənin dolduracağını bildirən “Kathimerini”, Afinanın bu inkişafın öhdəsindən gəlmək üçün üç yolu olduğunu yazıb. Yunanıstanın variantları arasında Putinlə münasibətləri normallaşdırmaq, Vaşinqtonda lobbiçilik etmək və ya Türkiyənin Avropa ilə əlaqələrini dəstəkləmək var. Təhlildə ABŞ-ın Azad Dünyanın lideri rolundan geri çəkildiyi də bildirilib və beynəlxalq ictimaiyyətin daha da təhlükəli və gözlənilməz hala gəldiyi vurğulanıb. Bu prosesdə Afinanın xoşuna gəlməsə belə, Avropa ilə Türkiyənin daha sıx əlaqələr quracağı qeyd edilib.
Surxay Əliyev
