İran iqtisadi sanksiyaların ləğvi müqabilində ABŞ prezidenti Donald Trampla nüvə sazişi imzalamağa hazırdır. Bu fikiri İranın ali dini liderinin baş müşaviri Əli Şəmxani NBC News-a müsahibəsində səsləndirib. Onun sözlərinə görə, İran öhdəlik götürür: heç vaxt nüvə silahı istehsal etməmək; silah kimi istifadə oluna bilən yüksək zənginləşdirilmiş uran ehtiyatlarından qurtulmaq; uranı yalnız mülki istifadə üçün lazım olan daha aşağı səviyyəyə qədər zənginləşdirməyə və beynəlxalq müfəttişlərə prosesə nəzarət etməyə icazə verməyə razılaşmaq. Bununla belə, o əlavə edib ki, bu addımlar bütün iqtisadi sanksiyaların dərhal ləğvi müqabilində həyata keçirilə bilər. Bu şərtlər yerinə yetirilərsə, İran bu gün sazişi imzalamağa razı olacaqmı sualına Şamxani müsbət cavab verib: “Bəli”.
Surxay Əliyev
