21/09/2020 22:05
728 x 90

Nəsimi rayonunda 2019-cu ilin yekunları müzakirə olundu - FOTO

img

Nəsimi rayon İcra Hakimiyyəti Başçısının 3 saylı sahə inzibati ərazi dairəsi üzrə nümayəndəliyi 2019-cu ilin yekunlarına və qarşıda duran vəzifələrə həsr olunmuş toplantı keçirib.

Nəsimi RİH-dən “Bakı Xəbər”ə bildirildiyinə görə, Nəsimi rayon rəhbərliyi, rayonun təsərrüfat xidmətləri rəhbərləri, rayon ictimaiyyətinin iştirakı ilə Bakı Biznes Mərkəzində keçirilən yığıncaqda həyata keçirilən işlər müzakirə olunub, növbəti il üçün konkret tədbirlər müəyyənləşdirilib.

Hesabat məruzəsi ilə çıxış edən Nəsimi rayon İcra Hakimiyyəti Başçısının 3 saylı sahə inzibati ərazi dairəsi üzrə nümayəndəsi Vaqif Zeynalov bildirib ki, ötən il Nəsimi rayonunda aparılan genişmiqyaslı quruculuq işləri çərçivəsində 3 nömrəli sahə inzibati ərazi dairəsində də bir sıra abadlıq işləri aparılıb, çoxsaylı yüksəkmərtəbəli binaların fasadları əsaslı təmir olunub, «Abad həyət» və "Bizim Həyət" layihələri çərçivəsində geniş işlər görülüb, yeni yaşıllıq zolaqları salınıb. Əhalinin asudə vaxtlarının səmərəli keçirilməsi və istirahəti üçün mövcud parklarda və binaların həyətlərində yeni skamyalar, yeni söhbətgahlar qoyulub, uşaqlar üçün əyləncəli idman qurğuları quraşdırılıb. Həmçinin, ərazinin sanitar vəziyyəti, küçələrin süpürülməsi, məişət tullantılarının vaxtlı vaxtında daşınması daim nəzarətdə saxlanıb, aşkar edilmiş nöqsanların aradan qaldırılması istiqamətində operativ işlər görülüb.

Qeyd olunub ki, inzibati ərazidə olan yaşayış evləri və çoxmənzilli yaşayış binalarındakı mənzillər üzrə təsərrüfatların uçotu, habelə təsərrüfat üzvlərinin və müvəqqəti yaşayan şəxslərin siyahısı dəqiqləşdirilib, ev təsərrüfatlarının uçotu kitablarında müvafiq qeydlər aparılıb. Bundan əlavə, ev təsərrüfatlarının uçotu kitablarındakı məlumatlar elektron sistemə daxil edilib.

Eyni zamanda bildirilib ki, ölkə başçısının müvafiq tapşırığına uyğun olaraq 2019-cu il fevral ayında, respublikamızın bütün bölgələrində olduğu kimi, Nəsimi rayon 3 nömrəli Sahə İnzibati Ərazi Dairəsindəki poliklinikada da əhalinin tibbi müayinədən keçirilməsi həyata keçirilib.

Hesabat dövrü ərzində nümayəndəliyin ərazisində ayrı-ayrı ünvanlarda Rayon İcra Hakimiyyətinin başçısı 15-dən çox səyyar qəbul və görüşlər keçirib, qəbullarda sakinlər tərəfindən qaldırılmış problemlər rayon İcra Hakimiyyəti Başçısının verdiyi tapşırıqlara əsasən həll edilib, bəzi məsələlərə isə aydınlıq gətirilməsi üçün müvafiq izahatlar verilib.

Yığıncaqda çıxış edən Nəsimi rayon İcra Hakimiyyətinin Başçısı Asif Əsgərov bildirib ki, Prezident İlham Əliyevin həyata keçirdiyi yeni inkişaf konsepsiyasında ölkə paytaxtının və regionların sosial-iqtisadi inkişafı, şəhər və rayonların abadlaşdırılması, yeni infrastruktur layihələrinin davamlı olaraq icra edilməsi əsas istiqamətlər kimi qarşıya qoyulur.

O deyib ki, Bakı şəhərində müasir infrastrukturun yaradılması sahəsində aparılan çoxşaxəli işlər, hərtərəfli bərpa və yenidənqurma, yeni, müasir tikililər, gözoxşayan parklar və xiyabanlar, şəhərimizin arxitektura simasının günü-gündən gözəlləşməsi və müasirləşməsi burada yaşayan əhalinin mədəni-mənəvi həyat səviyyəsinin yüksəldilməsinə göstərilən diqqət və qayğının bariz nümunəsidir. Məhz bu nəhəng quruculuq işlərinin nəticəsidir ki, müasir Bakı bu gün dünyanın ən gözəl şəhərlərindən birinə çevirilib. 2019-cu ildə Nəsimi rayonunda görülən işlər və həyata keçirilmiş sosial yönümlü layihələr barədə geniş məlumat verən icra başçısı qeyd edib ki, ölkə başçısının tapşırıqlarına əsasən rayon ərazisində aparılan abadlıq-quruculuq işləri davam edəcək.

Uşaqların yay tətilinin səmərəli keçirilməsi məqsədilə Nəsimi rayon İcra Hakimiyyəti tərəfindən respublikamızın gözəl guşələrindən olan Qusar rayonunda Nəsimi rayonu ərazisində yerləşən orta ümumtəhsil məktəblərindən 200-dən çox şagirdin istirahətinin təşkil olunduğunu diqqətə çatdıran A.Əsgərov, eləcə də. "Ölkəmizi tanıyaq" layihəsi çərçivəsində Nəsimi rayon məktəblilərinin respublikamızın bir sıra rayonlarına səfər etdiyini bildirib. Qeyd edib ki, məktəblilərin yay tətili gunlərində onların asudə vaxtlarının daha maraqlı və yaddaqalan olması üçün Nəsimi rayon İcra Hakimiyyəti tərəfindən onlar üçün müxtəlif ekskursiyalar və tədbirlər təşkil edilib.

Hesabat yığıncağında Mehriban İbrahimova, Esmira Məmmədova, Həsənxan Mədətov və başqaları çıxış edərək respublikada, o cümlədən Nəsimi rayonunda aparılan quruculuq işlərinin, həyata keçirilən böyük sosial və infrastruktur layihələrin, aparılan islahatların xalqın rifahının yüksəldilməsinə yönəldiyini bildirərək, görülən işlərə görə minnətdarlıqlarını bildiriblər.

Baki-xeber.com

Son xəbərlər