Demoqrafik vəziyyətə görə ölkə qanunvericiliyinin tələbləri yetərli sayılmır

Tarix: 14.05.2014 / 09:01
Bölmə: Sosial

Son illərdə Azərbaycan üçün daha çox aktual olan problərdən biri də demoqrafik balansın pozulmasıdır. Statistik rəqəmlərə görə, dünyaya gələn qız uşaqları ilə oğlanların sayı arasında kəskin fərq hələ də yaşanır. Bəzi ailələrin hələ də qıza deyil, oğlan uşağına üstünlük verməsi gələcəkdə xoşagəlməz problemlərin yaranmasına səbəb olacaq.
Demoqrafik balansın pozulması barədə millət vəkilləri dəfələrlə aidiyyəti qurumlara müraciət ediblər.
Ailə, Qadın və Uşaq Problemləri üzrə Dövlət Komitəsinin İnformasiya və Analitik Araşdırmalar şöbəsinin müdiri Elgün Səfərov "Bakı-Xəbər"ə açıqlamasında qeyd etdi ki, hər bir ölkədə olduğu kimi, Azərbaycanın da özünəməxsus problemi mövcuddur.
E.Səfərovun sözlərinə görə, əhali artımı hər il müşahidə olunur: "Statistik məlumatlara görə, il ərzində təxminən 176 min uşaq dünyaya gəlir, onlardan 50-60 mini isə tələf olur. Artıq Azərbaycan Respublikasının vətəndaşlarının sayı 9 milyon yarımı ötüb. Son məlumata əsasən, 116 oğlan uşağına 106 qız düşür. Bu rəqəm ölkə üçün aktual olan problemlərdən biridir. Adıçəkilən problemin yaranmasına səbəb selektiv abortlardır. Təxminən il ərzində 30 min abort olunur. Edilən abortların 50 faizi selektiv abortlardır".
Şöbə müdiri qeyd etdi ki, komitə tərəfindən bu tip problemlərin qarşısını almaq məqsədilə əhali arasında maarifləndirmə işi aparılır. Maarifləndirmə, əsasən, qız uşaqlarına qarşı sərt mövqedə olan ailələr arasında təşkil olunur: "Ailələrə qız uşaqlarına üstünlük verməsi barədə məlumat verilir. Zənnimcə, demoqrafik balansın pozulması istiqamətində görülən işlər yetərli deyil. Hesab edirəm ki, bəzi məsələlərə yenidən baxılmalıdır. İlk növbədə qanunvericiliyə yenidən baxılmalı və bəzi dəyişikliklər əlavə olunmalıdır. Beynəlxalq təcrübəyə əsasən deyə bilərəm ki, ana bətnində olan 6 aylıq uşaq sağlam insan hesab edilir və yaşamaq hüququna malikdir. Ancaq Azərbaycanda ana bətnində olan uşaq insan kimi qəbul olunmur. Bu səbəbdən də qanunvericilikdə bəzi islahatlar aparılmalıdır. Ana bətnində olan 6-7 aylıq uşaq fərd sayılmalıdır. Buna dair məsuliyyət müəyyən olunmalıdır".
Uşaq Hüquqlarını Müdafiə Liqasının sədri Yusif Bəkirov hesab edir ki, bu gün oğlan uşaqları ilə qız uşaqları arasında disbalans kəskin səviyyədə deyil: "Ümumiyyətlə, təbiətən qız uşaqları oğlan uşaqlarından çox doğulur. Amma düşünmürəm ki, bizdə disbalans kəskin şəkildədir. Çünki artıq qanunvericiliklə buna müdaxilə olunur. Hamilə qadın məhz cinsiyyətinə görə uşağından imtina edirsə, buna qanunla yol verilmir. Bizdə bu gün qız uşaqlarına qarşı heç bir diskriminasiya yoxdur. Əslində, göstəricilər dəyişkəndir. Yəni oğlan uşaqları ilə qız uşaqlarının sayında faiz üstünlüyü dəyişir. Hazırda fərq 10-15 faiz təşkil edir ki, məncə bu, kəskin fərq deyil. Hər halda bu gün məsələyə qanunvericiliklə nəzarət olunur. Uşağın həyatına cinsiyyətə görə son qoyulması üçün valideyn də, həkim də məsuliyyət daşıyır".

DİGƏR XƏBƏRLƏR

Tarix: 02.10.2026 / 18:14

Azərbaycan VCT-lərinin qaldırdığı məsələlər BMT Komitəsinin Ermənistanla bağlı tövsiyələrində əksini tapıb

Tarix: 02.10.2026 / 18:06

Xankəndidə Kommunikasiya üzrə İşçi Qrupun növbəti iclası olub

Tarix: 02.10.2026 / 15:47

Yeni pensiya mexanizminə qarşı ciddi bir sual qoyulub - "fərqli əmsallar" nə deməkdir?

Tarix: 02.10.2026 / 13:52

DİN 21 şagirdin naməlum şəxsin payladığı konfetdən zəhərləndiyi xəbərlərini təkzib etdi...

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 12:33

"Rəqəmsal transformasiyanın inkişafı özü ilə bərabər təhdidlər gətirir" - Davud Rüstəmov

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...