Yaponiyada Azərbaycanı tanıdan yeni kitab nəşr olunub

Tarix: 18.08.2026 / 12:00
Bölmə: Sosial

Yaponiyada yaşayan soydaşımız Əlibəy Məmmədovun Azərbaycan haqqında yapon dilində növbəti kitabı işıq üzü görüb. "Şərabla səfər edəcəyiniz Azərbaycan" adlı nəşrdə Azərbaycanın tarixi, mədəniyyəti, milli mətbəxi, qonaqpərvərlik ənənələri, şərabçılıq mədəniyyəti və turizm potensialı geniş şəkildə təqdim olunur. Doqquz hissədən ibarət kitabın ilk bölməsində Azərbaycan "qəribə və gözəl ölkə" kimi oxucuya tanıdılır, ölkənin tarixi və mədəni irsi, görməli yerləri və turizm imkanları haqqında məlumat verilir. Nəşrin ilk 32 səhifəsi isə Azərbaycanın müxtəlif bölgələrini, Bakı, Qobustan, Şəki kimi məkanları, milli mətbəxi və süfrə ənənələrini əks etdirən rəngli fotoşəkillərdən ibarətdir. Kitabın əsas mövzularından biri Azərbaycan şərabçılığı və onun ölkələr arasında mədəni körpüyə çevrilməsidir. Müəllif Azərbaycan və Gürcüstanın paylaşdığı qədim şərab mədəniyyətindən, Xəzər dənizinin təbiətindən və Azərbaycanın müxtəlif şərab növlərindən bəhs edir. Eyni zamanda, oxuculara Azərbaycan şərabçıları, şərab istehsalı və şərab vasitəsilə ölkəni tanımaq imkanları barədə məlumat təqdim olunur. Əlibəy Məmmədov kitabda Azərbaycan-Yaponiya münasibətlərinə də xüsusi yer ayırıb. Onun sözlərinə görə, bir butulka şərabın Yaponiyada təqdimatı zamanla yalnız məhsul satışından ibarət olmayıb, Azərbaycanın tarixini, mədəniyyətini, iqtisadiyyatını, insanların gündəlik həyatını və süfrə ənənələrini yapon cəmiyyətinə çatdıran vasitəyə çevrilib. Müəllif bu prosesi belə xarakterizə edir: "Bu, təkcə bir butulka şərab satmaq deyil. Azərbaycanın mədəni irsini, tarixini, insanların gündəlik həyat tərzini, süfrəsini və mentalitetini yaponlara çatdırmaqdır". Nəşrdə Azərbaycan süfrə mədəniyyəti də geniş təqdim olunur. Dolma, qutab və digər milli yeməklərlə yanaşı, Azərbaycan ailəsində qonağa münasibət, evə dəvət, ən yaxşı yeməyin və ən rahat yerin qonağa təqdim edilməsi kimi ənənələrdən bəhs edilir. Kitabın son bölmələrində isə Azərbaycan və Yaponiya arasında gələcək əməkdaşlıq imkanları nəzərdən keçirilir. Mədəniyyət, iqtisadiyyat, biznes və kənd təsərrüfatı məhsulları vasitəsilə iki ölkə arasında əlaqələrin daha da inkişaf etdirilməsinin mümkün istiqamətləri diqqətə çatdırılır. Əlibəy Məmmədovun fikrincə, Azərbaycanı xarici auditoriyaya tanıtmağın ən təsirli yollarından biri ölkənin qonaqpərvərlik və süfrə mədəniyyətini, tarixi və gündəlik həyatını bir arada təqdim etməkdir: "Yeni nəşr olunan "Şərabla səfər edəcəyiniz Azərbaycan" kitabı da bu yanaşmanın Yaponiyada yazılı formada davamıdır. Ümumiyyətlə, bu, yalnız şərab haqqında kitab deyil. Nəşr bir məhsul üzərindən bütöv bir ölkənin — onun tarixinin, mədəniyyətinin, insanlarının, qonaqpərvərlik ənənələrinin və turizm imkanlarının Yaponiyada tanıdılmasına yönəlmiş təqdimat nümunəsidir". Nəşrdə Azərbaycana dair geniş məlumatlar, fotoşəkillər və ölkənin turizm, mədəniyyət və şərabçılıq imkanlarını birləşdirən materiallar yer alıb. Qeyd edək ki, kitabın 2026-cı il avqust ayının 31-dən Yaponiyada rəsmi satışlarına başlanılacaq. Artıq "Amazon" reytinqlərində də yapon dilində kifayət qədər satışları gedir və ön sıralardadır. Kitab, eyni zamanda bir çox mərkəzi kitabxanalara, universitetlərə paylanılacaq. Xatırladaq ki, Əlibəy Məmmədov 2012-ci ilədən Yaponiyada yaşayır. Hokkaydo Universitetində siyasi elmlər üzrə təhsil alıb. Yaponiya hökuməti təqaüdçüsü olmuş Əlibəy Məmmədov, eyni zamanda konfliktoloq, Yaponiya-Azərbaycan Əməkdaşlıq Assosiasiyasının sədridir. Diaspor fəaliyyətinə təhsil illərindən başlayıb. 2015-ci ildən isə Yaponiyada biznes sahəsində fəaliyyət göstərir. Onun 2018-ci ildə yapon dilində "Azərbaycanın indi maraqlı olmasının səbəbləri", bu ilin aprelində isə "Azərbaycan adlı strategiya" adlı kitabları çap olunub.

DİGƏR XƏBƏRLƏR

Tarix: 08.09.2026 / 12:51

İnvestisiya Holdinqin Baş icraçı direktoru vəzifəsindən azad edildi

Tarix: 08.09.2026 / 12:37

Daşqınlar zamanı bəzi təmiz ərazilər yenidən minalarla çirklənir...

Tarix: 08.09.2026 / 11:02

"Artıq iqlim dəyişikliyini müşahidə etmirik, onu birbaşa yaşayırıq" - Muxtar Babayev

Tarix: 08.09.2026 / 10:43

BMT nümayəndəsi xəbərdarlıq etdi - Xəzərdə dramatik dəyişikliklər baş verə bilər...

Tarix: 07.09.2026 / 21:46

İran qadınları ABŞ-ın toyda öldürdüyü şəxsləri qəribə geyimdə dəfn edir...

Tarix: 07.09.2026 / 18:12

Sabirabad seçiciləri deputat Əhliman Əmiraslanova təşəkkür etdilər - FOTO

Tarix: 07.09.2026 / 17:27

BDU-nun müəllimləri DƏLƏDUZ "PROFESSOR"UN toruna düşüb

Tarix: 07.09.2026 / 11:02

DİN yeni tədris ili ilə bağlı valideyn və tələbələrə müraciət etdi

Tarix: 07.09.2026 / 10:17

Məktəblərin ətrafında təhlükəsizlik tədbirləri gücləndirilir...

Tarix: 06.09.2026 / 10:23

Qarabağda əbədiləşmiş şəhid ruhları, həvəskar "xəttatların” yad əməlləri... - Aydın QULİYEV yazır

Tarix: 06.09.2026 / 10:11

Ağdamda traktor minaya düşdü, sürücü yaralandı - YENİLƏNDİ

Tarix: 05.09.2026 / 19:48

Səlim Müslümovun müsadirə edilmiş daha bir bahalı evi yarı qiymətinə satışa çıxarıldı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 06.09.2026 / 10:23

Qarabağda əbədiləşmiş şəhid ruhları, həvəskar "xəttatların” yad əməlləri... - Aydın QULİYEV yazır

Tarix: 03.09.2026 / 21:48

Səfərbərlik rəisi İbrahimovdan super dürüst mövqe - Həqiqi oxuyana, işləyənə güzəşt olacaq...

Tarix: 03.09.2026 / 20:23

Putin 102-ci bazanı da Ermənistandan çıxara biləcəyini açıq dedi - tam aydınlıq içində müəmma...

İnzibati məcəllədə son dəyişikliklər hüquqi fəallığın artırılmasında təsirli rol oynayır...