“DSD” İB Xəzər Dəniz Neft Donanmasında dənizçi şəhid ailələri ilə görüş keçirib

Tarix: 31.07.2026 / 06:09
Bölmə: Sosial

28 iyul 2026-cı il tarixində "Dənizçilərə Sosial Dəstək" İctimai Birliyi (DSD İB) "Dənizçi şəhid ailələri ilə iş" layihəsi çərçivəsində ikinci tədbirini keçirib. DSD İB-nin Analitik-İnformasiya Bölməsinin yaydığı məlumata görə, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə təşkil olunan tədbir Azərbaycan Xəzər Dəniz Gəmiçiliyi QSC-nin (ASCO) Xəzər Dəniz Neft Donanmasının akt zalında baş tutub. Tədbir Azərbaycanın ərazi bütövlüyü uğrunda canından keçən şəhidlərin xatirəsinin bir dəqiqəlik sükutla yad edilməsi və Dövlət Himninin səsləndirilməsi ilə başlayıb. Görüşdə Xəzər Dəniz Neft Donanmasının şəhid dənizçi ailələri, müharibə iştirakçıları və əməkdaşları ilə yanaşı, Donanmanın rəis vəzifəsini müvəqqəti icra edən Azər Qasımov, Milli Məclisin deputatları Vüqar Rəhimzadə və Elman Nəsirov, Diaspor Fəaliyyətinə Jurnalistlərin Dəstəyi İctimai Birliyinin sədri, ekspert Fuad Hüseynzadə, eləcə də Donanmanın rəhbər heyəti, veteran dənizçilər, gəmi kapitanları və digər qonaqlar iştirak ediblər. Tədbiri giriş sözü ilə açan DSD İB-nin İdarə Heyətinin sədri, layihə rəhbəri, gəmi kapitanı və şair Faiq Balabəyli layihənin məqsədi barədə məlumat verib. O bildirib ki, Xəzər Dəniz Neft Donanmasının əməkdaşları Azərbaycanın müasir tarixinin ən mühüm mərhələlərində – 1988-ci il meydan hərəkatında, 20 Yanvar hadisələrində, Birinci Qarabağ müharibəsində və 44 günlük Vətən müharibəsində böyük qəhrəmanlıq nümunələri göstəriblər. Faiq Balabəyli şəhid dənizçilərin xatirəsinin əbədiləşdirilməsi istiqamətində görülən işlərdən də danışaraq qeyd edib ki, dənizçilərin təşəbbüsü ilə 10-dan çox şəhidin adı Donanmanın gəmilərinə verilib və bu istiqamətdə digər tədbirlər də həyata keçirilir. Xəzər Dəniz Neft Donanmasının rəisi vəzifəsini müvəqqəti icra edən Azər Qasımov çıxışında dənizçi şəhid ailələrini, müharibə iştirakçılarını və qonaqları salamlayaraq, QHT-lərə Dövlət Dəstəyi Agentliyinin maliyyə dəstəyi ilə həyata keçirilən layihənin əhəmiyyətini vurğulayıb. Deputatlar Elman Nəsirov və Vüqar Rəhimzadə, həmçinin ekspert Fuad Hüseynzadə çıxışlarında layihəni yüksək qiymətləndirərək bildiriblər ki, bu təşəbbüs dövlətin şəhid ailələrinə və müharibə iştirakçılarına göstərdiyi diqqət və qayğının növbəti təzahürüdür. Tədbirdə çıxış edən Xəzər Dəniz Neft Donanmasının idarə rəisinin birinci müavini Məqsəd Fərhadov, baş mühəndis Mahir İsgəndərov, qrup rəhbəri Natiq Hümbətov və digər natiqlər ASCO-nun şəhid ailələri və qazilərə göstərdiyi davamlı dəstəkdən bəhs edərək DSD İB-nin həyata keçirdiyi layihəni təqdir ediblər. Veteran dənizçi, təqaüddə olan gəmi kapitanı Asif Orucov isə çıxışında vaxtilə birlikdə çalışdığı şəhid İsgəndər Xankişiyev haqqında xatirələrini bölüşüb. O, şəhidin adını daşıyan "İsgəndər Xankişiyev" gəmisinin xüsusi hazırlanmış şəklini şəhidin bacısı Çimnaz Əsədovaya hədiyyə edib. Şəhid ailələri adından çıxış edən şəhid Oqtay Vəliyevin həyat yoldaşı İradə Vəliyeva, şəhid İsgəndər Xankişiyevin bacısı Çimnaz Əsədova və şəhid İlyas Hüseynovun nəvəsi, məktəbli Mədinə Hüseyn Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə, ASCO-ya və DSD İB-yə təşəkkürlərini bildirərək öz təklif və arzularını səsləndiriblər. Qeyd edilib ki, "Dənizçi şəhid ailələri ilə iş" layihəsi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir. Sonda layihə rəhbəri bildirib ki, layihə çərçivəsində dənizçi şəhid ailələrinin sosial, hüquqi və mədəni maarifləndirilməsi istiqamətində nəzərdə tutulan bütün tədbirlər ardıcıl şəkildə icra olunacaq. Tədbir xatirə şəkillərinin çəkilməsi və iştirakçılara hədiyyələrin təqdim olunması ilə başa çatıb. Tural Balabəyli DSD İB-nin layihə üzrə Analitik-İnformasiya Bölməsinin rəhbəri

DİGƏR XƏBƏRLƏR

Tarix: 05.11.2026 / 23:15

Azıx mağarası: Erməni saxtakarlıqları və tarixi həqiqətlər

Tarix: 05.11.2026 / 22:41

Vətən eşqi, Sadiq Hüseynov üçün vəslinə yetə bildiyi bir “təlatüm” idi

Tarix: 05.11.2026 / 22:23

Tarixçi - alim və pedaqoq Naibə Əhmədovanın elmi-pedaqoji fəaliyyətinin 60 illik zirvəsi

Tarix: 05.11.2026 / 21:21

Mətbuat Şurasının yeni tərkibdə ilk iclası keçirilib - FOTO

Tarix: 05.11.2026 / 18:56

Azərbaycanlı professorun Türkiyədə rektor seçilməsinə imkan verməzlər... Həm də indi...

Tarix: 05.11.2026 / 18:22

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...

Tarix: 05.11.2026 / 17:50

Nazir Vilayət Eyvazov xidmətə qəbulla bağlı sıra baxışı keçirdi - FOTO/VİDEO

Tarix: 05.11.2026 / 17:29

“Yaxşı yazmaq yazıçının inqilabi borcudur.”

Tarix: 05.11.2026 / 15:20

Media və Yayım Şurasında Vətən müharibəsinin mediada işıqlandırılması müzakirə olunub - FOTO

Tarix: 05.11.2026 / 13:43

"Azərbaycan radiosu milli yaddaşımızın və mədəni irsimizin etibarlı qoruyucularından biridir" - Əhməd İsmayılov

Tarix: 05.11.2026 / 12:40

Dronla İrandan Azərbaycana narkotik keçirilməsinin qarşısı alındı - DTX-dan əməliyyat...

Tarix: 05.11.2026 / 12:09

Nəqliyyat vasitələrinin utilizasiyası fondu ləğv edilir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...