Sumqayıt Dövlət Universiteti və SOCAR Polymer əməkdaşlığın yeni istiqamətlərini müzakirə edib

Tarix: 20.07.2026 / 21:12
Bölmə: Sosial

Sumqayıt Dövlət Universitetində rektor, texnika elmləri doktoru, professor Nurəli Yusifbəyli ilə SOCAR Polymer MMC-nin baş direktoru Fuad Əhmədov arasında işgüzar görüş keçirilib. Görüşdə ali təhsil və sənaye arasında qarşılıqlı əməkdaşlığın inkişaf perspektivləri, innovasiya yönümlü tərəfdaşlığın genişləndirilməsi və yeni fəaliyyət istiqamətləri ətrafında geniş fikir mübadiləsi aparılıb. Tərəflər universitet–sənaye əməkdaşlığının institusional əsaslarının möhkəmləndirilməsi, korporativ təcrübənin tədris prosesinə inteqrasiyası, tələbələrin istehsalat mühitində praktiki bacarıqlarının inkişaf etdirilməsi, birgə elmi-tədqiqat fəaliyyətinin genişləndirilməsi, sənaye mütəxəssislərinin tədris prosesinə cəlb olunması, eləcə də seminar, təlim və ekspert görüşlərinin təşkili məsələlərini müzakirə ediblər. Rektor Nurəli Yusifbəyli yüksəkixtisaslı insan kapitalının hazırlanmasının ölkənin sosial-iqtisadi inkişafı baxımından strateji əhəmiyyət kəsb etdiyini vurğulayaraq bildirib ki, Sumqayıt Dövlət Universiteti güclü elmi-pedaqoji potensiala malik olmaqla yanaşı, sənaye mərkəzində yerləşməsi səbəbindən təhsil, elm və istehsalat inteqrasiyasının təmin olunması üçün əlverişli imkanlara malikdir. Onun sözlərinə görə, nəzəri biliklərin istehsalat mühitində praktik bacarıqlarla tamamlanması əmək bazarının tələblərinə cavab verən rəqabətqabiliyyətli mütəxəssislərin hazırlanmasının əsas şərtlərindən biridir. Rektor yeni tədris ilindən etibarən SDU ilə SOCAR Polymer MMC arasında əməkdaşlığın keyfiyyətcə yeni mərhələyə keçməsinin məqsədəuyğun olduğunu qeyd edib. Bu çərçivədə tədris proqramlarının əmək bazarının müasir tələblərinə uyğun təkmilləşdirilməsi, birgə elmi-tədqiqat və innovasiya layihələrinin həyata keçirilməsi, istehsalat təcrübəsinin əhatə dairəsinin genişləndirilməsi, daha çox tələbənin istehsalat təcrübəsinə cəlb olunması, sənaye təcrübəsinə malik mütəxəssislərin tədris prosesində iştirakının təmin edilməsi, həmçinin yuxarı kurs tələbələrinin tədrisinin müəyyən hissəsinin müəssisənin istehsalat sahələrində təşkil edilməsi əməkdaşlığın prioritet istiqamətləri kimi qiymətləndirilib. Görüş zamanı Polimer Materialları İnstitutunun elmi-tədqiqat fəaliyyətinin sənaye ilə inteqrasiyası məsələləri də müzakirə olunub. Rektor bildirib ki, elektrikkeçirici, aşağı yanma sürətinə, yüksək mexaniki möhkəmliyə və ekoloji təhlükəsizlik göstəricilərinə malik nanokompozit materialların alınmasına yönəlmiş elmi-tədqiqat layihələrinin SOCAR Polymer MMC-yə təqdim olunması nəzərdə tutulur. Qeyd edilib ki, bu layihələrin reallaşdırılması universitet–sənaye əməkdaşlığının dərinləşdirilməsinə, innovativ elmi nəticələrin istehsalata transferinə, tətbiqi tədqiqatların kommersiyalaşdırılmasına, eləcə də yüksək texnologiyalı və yüksək əlavə dəyərə malik polimer məhsullarının hazırlanmasına mühüm elmi-praktik töhfə verə bilər. SOCAR Polymer MMC-nin baş direktoru Fuad Əhmədov rəhbərlik etdiyi müəssisə ilə Sumqayıt Dövlət Universiteti arasında əməkdaşlığın hər iki tərəf üçün strateji əhəmiyyət daşıdığını vurğulayıb. O, sənaye müəssisələrinin yüksəkixtisaslı kadr təminatında ali təhsil müəssisələrinin rolunu yüksək qiymətləndirərək, tədris, istehsalat təcrübəsi, tətbiqi elmi-tədqiqat və innovasiya istiqamətlərində əməkdaşlığın daha da genişləndirilməsinə dəstək verməyə hazır olduqlarını bildirib. Görüşün sonunda qeyd olunub ki, ali təhsil müəssisələri ilə sənaye sektoru arasında sistemli və davamlı əməkdaşlıq innovativ yanaşmaların tətbiqini sürətləndirir, əmək bazarının tələblərinə uyğun yüksəkixtisaslı mütəxəssislərin hazırlanmasına, bilik və texnologiya transferinin genişlənməsinə, eləcə də uzunmüddətli strateji tərəfdaşlığın formalaşmasına mühüm töhfə verir.

DİGƏR XƏBƏRLƏR

Tarix: 05.11.2026 / 23:15

Azıx mağarası: Erməni saxtakarlıqları və tarixi həqiqətlər

Tarix: 05.11.2026 / 22:41

Vətən eşqi, Sadiq Hüseynov üçün vəslinə yetə bildiyi bir “təlatüm” idi

Tarix: 05.11.2026 / 22:23

Tarixçi - alim və pedaqoq Naibə Əhmədovanın elmi-pedaqoji fəaliyyətinin 60 illik zirvəsi

Tarix: 05.11.2026 / 21:21

Mətbuat Şurasının yeni tərkibdə ilk iclası keçirilib - FOTO

Tarix: 05.11.2026 / 18:56

Azərbaycanlı professorun Türkiyədə rektor seçilməsinə imkan verməzlər... Həm də indi...

Tarix: 05.11.2026 / 18:22

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...

Tarix: 05.11.2026 / 17:50

Nazir Vilayət Eyvazov xidmətə qəbulla bağlı sıra baxışı keçirdi - FOTO/VİDEO

Tarix: 05.11.2026 / 17:29

“Yaxşı yazmaq yazıçının inqilabi borcudur.”

Tarix: 05.11.2026 / 15:20

Media və Yayım Şurasında Vətən müharibəsinin mediada işıqlandırılması müzakirə olunub - FOTO

Tarix: 05.11.2026 / 13:43

"Azərbaycan radiosu milli yaddaşımızın və mədəni irsimizin etibarlı qoruyucularından biridir" - Əhməd İsmayılov

Tarix: 05.11.2026 / 12:40

Dronla İrandan Azərbaycana narkotik keçirilməsinin qarşısı alındı - DTX-dan əməliyyat...

Tarix: 05.11.2026 / 12:09

Nəqliyyat vasitələrinin utilizasiyası fondu ləğv edilir...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...