Bakı marşrutlarında qısa müddətdə köhnəlmiş avtobuslar barədə bir sual, bir qərar...

Tarix: 01.04.2015 / 01:52
Bölmə: Sosial

Şahin Camalov: «Təkcə sərnişin nəqliyyatı ilə məşğul olan avtobusların yenilənməsi ilə iş bitmir»

«Azərbaycan günbəgün inkişaf edən ölkədir»

«Avropa Oyunlarına qədər Bakıda bir dənə də olsun köhnə sərnişin avtobusu xidmət göstərməyəcək». Bunu mətbuata açıqlamasında Nəqliyyat Nazirliyinin mətbuat xidmətinin rəhbəri Namiq Həsənov deyib.

Onun sözlərinə görə, istismara yararlı olmayan köhnə avtobuslar «metallom»a veriləcək: «İstismar müddəti bitən avtobuslar paytaxt ərazisindən tamam yığışdırılacaq. Artıq bu işə başlamışıq. Sahibkarlara tapşırılıb ki, qısa müddət ərzində xətdə olan bütün maşınlar yenilənsin. Bildiyiniz kimi, bir neçə avtobus xəttində avtobuslar artıq yenilənib. İstismara yararlı olan köhnə avtobuslar rayonlara göndəriləcək. Yararsız avtobuslar qarajlarda hissələrə ayrılacaq. Lazımi avadanlıqları götürüldükdən sonra qalan hissə təkrar emala göndəriləcək».

Nazirlik rəsmisinin açıqlamasından o da məlum olub ki, aprel ayından Nəqliyyat Nazirliyi tərəfindən reydlərə başlanacaq: «Reydlərdə avtobusların oturacaqlarının çıxarılması, sərnişin və sürücülər tərəfindən avtomobillərin daxilinə müdaxilələr edilməsi araşdırılacaq. Avtobusların içərisinin çirkləndirilməsi və s. kimi məsələlərə nəzər yetiriləcək. Təxminən 10 gün ərzində reydlər aparılacaq və nəticələr barədə ətraflı yazılacaq».

O da məlumdur ki, dövlət büdcəsindən paytaxtın şəhərdaxili avtobus parkının yenilənməsinə milyonlarla vəsait ayrılır. Belə olan halda alınan avtobusların belə tez köhnəlməsi maraq və sual doğurur. Diqqətçəkən məqamlardan biri həm də ondan ibarətdir ki, köhnə avtobuslar əsasən şəhərətrafı qəsəbələrə işləyən marşrut xətlərindədir.

Paytaxtın sərnişin nəqliyyatında xidmət göstərən sahibkarlar hesab edir ki, yeni avtobuslar paytaxta çox baha qiymətə gətirilir. Həmin avtobuslara elə qiymət qoyulur ki, sonradan onlar öz xərclərini çıxara bilmir. Əslində isə bəzi sahibkarlar bunu şişirdir. Çünki köhnə avtobusların maya dəyəri ucuz olmaqla yanaşı, daha çox qazanırlar. Başqa bir tərəfdən, qrafikdəki avtobusların sayını süni şəkildə azaldırlar. Bu da sərnişin sıxlığına gətirib çıxarır. Ona görə də avtobus parkının yenilənməsi müsbət haldır. Təki bu, natamam xarakterli olmasın.

Sözügedən məsələni «Bakı-Xəbər»ə şərh edən «Təhlükəsiz Yol» Alyansının koordinatoru Şahin Camalov bir neçə məqama toxundu: «Azərbaycan günbəgün inkişaf edən ölkədir. O baxımdan təbii ki, paytaxtın sərnişin daşınması ilə məşğul olan avtobus parkının yenilənməsi və günün tələbləri səviyyəsinə qaldırılması zəruridir. Nəzərə almaq lazımdır ki, ölkəyə gələn xarici qonaqlar, turistlər əsasən ictimai nəqliyyat vasitələrindən istifadə edir. Ancaq avtobusların yenilənməsi təkcə I Avropa Oyunlarının keçirilməsi ilə əlaqədar olmamalıdır. Bütövlükdə, bu məsələ diqqət mərkəzində olmalı və iş düzgün qurulmalıdır. Digər tərəfdən, təkcə sərnişin nəqliyyatı ilə məşğul olan avtobusların yenilənməsi ilə iş bitmir. Əsas odur ki, texniki və digər xidmətlər yüksək səviyyədə təşkil olunsun. Təəssüf ki, biz bunu görmürük. Paytaxt daxilində sərnişindaşıma xidmətinin səviyyəsi çox aşağıdır. Dəfələrlə bu sahədə müəyyən problemlər yaşanıb. Nəqliyyat Nazirliyi işin öhdəsindən gələ bilmir. Ona görə də arzu edərdik ki, keyfiyyət dəyişiklikləri sözdə yox, əməldə özünü göstərsin».

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...