"Ağacını götürən yetirir diş həkimlərinin üstünə" - niyə?

Tarix: 10.03.2015 / 01:28
Bölmə: Sosial

Rəsul Cahangirli: "Stomatoloq fəaliyyəti ilə məşğul olanları fiziki vergi ödəyicisi kimi qeydiyyata almaq daha məqsədəuyğundur"

"Rəqabət bu sahədə keyfiyyətin artmasına və qiymətlərin aşağı düşməsinə təkan verəcək"

Azərbaycanda 627 özəl tibb müəssisəsi və kabineti fəaliyyət göstərir. Bu müəssisələrdə əhaliyə tibbi xidmətin göstərilməsi üçün yaradılan şərait və xidmətin keyfiyyəti Səhiyyə Nazirliyinin mütəxəssisləri tərəfindən mütəmadi olaraq araşdırılır.
Tibb fəaliyyətinin lisenziyalaşdırılması sahəsinə nəzarətin gücləndirilməsi nəticəsində il ərzində 88 qanunsuz tibb fəaliyyəti ilə məşğulolma faktı aşkar olunub, 75 halda cərimə tətbiq edilib, 5 halda lisenziyanın fəaliyyətinin dayandırılması və 5 halda lisenziyanın ləğv edilməsi kimi tədbirlər görülüb.
Son illər müşahidələr göstərir ki, stomatoloji fəaliyyət üçün qaydalar asanlaşdırılmaq əvəzinə, əksinə, daha da çətinləşir. Məsələ ondadır ki, stomatoloqun lisenziya almaq üçün sənədləri qaydasındadırsa, o, 5500 manat dövlət rüsumu ödəməklə bu icazəni əldə edə bilər. Ancaq onun xərci bununla bitmir. Çünki tibbi müəssisənin yaradılması üçün stomatoloji avadanlıqlar da tələb olunur ki, onların da qiyməti heç də ucuz deyil. Bu gün nisbətən ucuz olduğuna görə həkimlərin daha çox aldığı Çin istehsalı olan tibbi avadanlıqlarla bir stomatoloji kabinetin qurulması 8-10 min, alman istehsalı olan avadanlıqlarla stomatoloji kabinetin qurulması isə 30-50 min manata başa gəlir.
Digər tərəfdən, ötən il İnzibati Xətalar Məcəlləsinə edilən dəyişikliklərlə lisenziya olmadan özəl tibb fəaliyyəti ilə məşğul olan müəssisələr üçün cərimələr artırılıb. Əvvəlki qanunda lisenziyasız tibbi fəaliyyətlə məşğul olmağın minimum cəriməsi 300 manat idisə, indi bu məbləğ 5 dəfə çoxdur. Belə ki, fiziki şəxslər bu qanun pozuntusuna görə 2 min manatdan 3 minə qədər cərimələnir. Dəyişikliyə əsasən, lisenziyanın alınması üçün müxtəlif dövlət orqanları həmin müəssisələrə baxış keçirməli və daha sonra Səhiyyə Nazirliyi tərəfindən lisenziya təqdim olunmalıdır. Onu da qeyd edək ki, lisenziyanın verilmə müddəti 5 ildir. Bu müddətdən sonra stomatoloji kabineti işlətmək istəyən yenidən lisenziya almalıdır. Halbuki, həmin müddət ərzində stomatoloq xeyli təcrübə toplayaraq peşəkarlaşır. Yaxşı olardı ki, bu fəaliyyət növü ilə məşğul olanlardan lisenziya tələb olunmasın. Fiziki şəxs kimi vergi qeydiyyatından keçib büdcəyə vergi ödəsinlər. Nəzərə almaq lazımdır ki, Təhsil Nazirliyi hər bir ali məktəbi bitirənə, o cümlədən stomatoloq ixtisası üzrə təhsil alan məzunlara diplom verir. Başqa bir tərəfdən, sovet dönəmində sözügedən ixtisas üzrə təhsil alan şəxslər var ki, bu gün öz sahəsində yetərincə peşəkardır.
Sözügedən məsələni dəyərləndirən ekspert Rəsul Cahangirli də hesab edir ki, stomatoloji kabinetlər üçün lisenziyanın tələb olunması yersizdir: "Ona görə yersizdir ki, bu, ölkədə ümumən kiçik və orta sahibkarlığın inkişafına zərər vurur.
Çünki stomatoloji kabinet açılanda bir neçə nəfər işlə təmin olunur. Bura təmizlik işləri ilə məşğul olan, diş texniki, həkim köməkçisi və s. köməkçi sahələrlə bağlı şəxslər daxildir. Məlum olduğu kimi, stomatoloji kabinet təkcə ağrıyan dişi çəkmək funksiyasi ilə məşğul olmur. Bura dişlərin müalicəsindən tutmuş, protez və implant dişlərin əkilməsinə qədər bir çox xidmətlər daxildir. Müşahidələr də göstərir ki, buna tələbat get-gedə artır. Belə olan halda daha çox diş kabinetinin açılmasına şərait yaratmaq lazımdır ki, rəqabət olsun.
Rəqabət bu sahədə keyfiyyətin artmasına və qiymətlərin aşağı düşməsinə təkan verəcək. Ən başlıcası, iş yerlərinin sayının artmasına təsir edəcək. O baxımdan stomatoloq fəaliyyəti ilə məşğul olanları fiziki vergi ödəyicisi kimi qeydiyyata almaq daha məqsədəuyğundur".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...