Yaradılması gözlənilən Aliment Fondu necə işləyəcək?

Tarix: 10.03.2015 / 01:07
Bölmə: Sosial

Mehriban Zeynalova: "Dövlətimizin maliyyə imkanları da Aliment Fondunun yaradılmasına imkan verir"

"Dövlət başlanğıcda ora vəsait qoyur, yayınma halları zamanı müəyyən müddət dövlət vəsaiti hesabına aliment ödənir, sonra isə borclu şəxsə həmin vəsait məcburi şəkildə ödətdirilir"

Bu gün ölkədə ailə quranlarla yanaşı, boşananların da sayı az deyil. Cütlüklər ayrılarkən ailə başçısı olan kişilər bəzən aliment verməkdən yayınır. Hazırda bölgələrdə ataların aliment ödəməməsi ilə bağlı ciddi problemlər yaşanır. Ona görə də bəzi anaların vəziyyəti çox çətindir.
Bəzən atalar işləmədiklərini əsas gətirərək aliment verməkdən imtina edir. Elə bu səbəbdən də millət vəkilləri, ölkənin tanınmış ictimai-siyasi xadimləri Azərbaycanda Aliment Fondunun yaradılmasını təklif edir. Bu fond yaradılarsa, dövlətin analara dəstəyi artar. Beləliklə də analar məhkəmə qapılarında qalmaqdan qurtulmuş olar.
Maraqlıdır, belə bir fond Azərbaycanda yaradılarsa, onun fəaliyyət mexanizmi necə olacaq? Bu fondun gəliri hansı mənbələr hesabına formalaşacaq?
"Təmiz Dünya" İctimai Birliyinin sədri Mehriban Zeynalovanın sözlərinə görə, aliment borclarının qaytarılma prosesində dönüş yaratmaq üçün Aliment Fondunun yaradılması vacibdir. Bu fonda büdcədən müəyyən məbləğ verilir, boşanmış qadın məhkəmə yolu ilə aliment almaq hüququnu təsdiqləsə, lakin icrasına nail ola bilməsə, ona məhkəmə ilə müəyyən edilmiş məbləğ fond tərəfindən verilir: "Eyni zamanda, fonda aliment verməkdən yayınan insanı axtarmaq, iş yerlərində yoxlama aparmaq, ondan aliment almaq kimi geniş səlahiyyətlər verilir. Ən əsası odur ki, fondun işçiləri alimentdən yayınan insanların axtarışında və ondan pul alınmasında maraqlı olsunlar".
Həmsöhbətimiz onu da əlavə etdi ki, dövlətimizin maliyyə imkanları da belə bir fondun yaradılmasına imkan verir: "Aliment Fondunun yaradılması vacibdir. Aliment bu fonddan ödənilməli, dövlət özü borclu ilə problemini həll etməlidir. Bu gün alimentin ödənilməsində problemlər yaşanır. Borclu, yəni alimenti verən tərəf iş yerini, gəlirlərini, əmlakını gizlədir. Bu da məhkəmə qərarlarının qəbulu zamanı ciddi problem yaradır. Həmçinin, borclu iş yerinin, yaşadığı yerin ünvanını gizlədir, əməkhaqqının cüzi hissəsini rəsmiləşdirir. Müəyyən hallarda borclu işsiz olur, alimenti ödəyə bilmir. Bu da alimentin ödənilməsi ilə bağlı qərarın icrasında problem yaradır. Aliment Fondunun yaradılması o baxımdan müsbət olardı ki, alimentdən yayınma halları olanda dövlət işə qarışacaq. Aliment ödənmədikcə borclar yığılıb qalır. Bu zaman hökumət strukturları fəaliyyətə keçir. "Qaçaq ata"nı axtarıb tapırlar və ondan dövlətə olan borcların ödənməsi tələb edilir. Alimentin ödənməməsi imkansızlıqdan daha çox məsuliyyətsizliyin nəticəsidir. Problemin həllində optimal çıxış yolu Aliment Fondunun yaradılmasıdır. Dövlət başlanğıcda ora vəsait qoyur, yayınma halları zamanı müəyyən müddət dövlət vəsaiti hesabına aliment ödənir, sonra isə borclu şəxsə həmin vəsait məcburi şəkildə ödətdirilir. Bu olmayınca, alimentlərin ödənməsində problemlər qalacaq, ailələr də bundan əzab çəkəcək.
Aliment məsələsində əzab çəkən nə qədər qadın var. Bununla bağlı yüzlərlə məhkəmə şikayəti var. Bu məsələlərdə məhkəmənin də imkanları məhduddur. Ata işləmirsə, o, Məşğulluq İdarəsində qeydiyyatda olmalıdır. Dövlət işsiz şəxsə müavinət ayırır, alimentin məbləği də o müavinətə yönləndirilir. Bununla belə, aliment problemini birdəfəlik həll etmək üçün Aliment Fondunun yaradılması vacibdir".

DİGƏR XƏBƏRLƏR

Tarix: 02.10.2026 / 13:44

Sumqayıtda orta məktəbdə kütləvi zəhərlənmə - şagirdlərin vaxtı keçmiş şirniyyatdan zəhərləndiyi ehtimal edilir...

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...