Suraxanı Rayon Polis İdarəsinin 30-cu Polis Şöbəsinin şəxsi heyəti tərəfindən Hövsan qəsəbəsində koronavirus pandemiyası ilə bağlı xüsusi karantin rejimi dövründə maddi dəstəyə ehtiyacı olan, evdən çıxa bilməyən tənha və yaşlı insanlara, eləcə də aztəminatlı, çoxuşaqlı ailələrə müqəddəs Ramazan ayının gəlməsi münasibətilə yardımlar edilib. Polis əməkdaşları ümumilikdə 50 ailəyə baş çəkib, müxtəlif ərzaq məhsullarından və gigiyenik vasitələrdən ibarət bağlamaları onlara təqdim ediblər.
Yardım edilən şəxslər göstərilən diqqət və qayğıya görə, ölkə prezidenti başda olmaqla, daxili işlər orqanlarının şəxsi heyətinə minnətdarlıqlarını bildiriblər. Qeyd olunub ki, Suraxanı RPİ-nin 30-cu Polis Şöbəsinin əməkdaşları tərəfindən bu tipli xeyriyyə aksiyaları Ramazan ayı boyunca mütəmadi olaraq davam etdiriləcək.
