Azərbaycan Prezidentinin göstərişinə əsasən pandemiya dövründə yaşı 65-i ötmüş tənha insanlara, ahıllara sosial xidmətlərin göstərilməsi, onlara qulluq etməsi üçün xüsusi sosial işçilərin ayrılması, aztəminatlı ailələrə maddi dəstəyin göstərilməsi də ictimaiyyət, xüsusən də yaşlı nəsilin nümayəndələri tərəfindən təqdir edilir.
Bakı Şəhəri, Pirallahı Rayon Ağsaqqallar Şurasının sədri Məhəmmədov Fazil Camo oğlu Prezident İlham Əliyevə yazdığı məktunda bildirir ki, xalqımızın bütün dünyanı bürümüş koronavirus infeksiyasından qorunması məqsədilə Prezidentin qəbul etdiyi qərarlar və həyata keçirdiyi məqsədyönlü tədbirlər, ölkəmizin hər yerində olduğu kimi, Pirallahı rayonunda da sakinlər tərəfindən, o cümlədən yaşlı nəslin nümayəndələri tərəfindən minnətdarlıq hissi ilə qarşılanır. “Sizin bununla əlaqədar xalqa müraciətinizdə etdiyiniz "Biz birlikdə güclüyük!" çağırışınız bütün kateqoriyadan olan insanları bir araya gətirdi. Vətənini, millətini sevən hər bir azərbaycanlı Sizi örnək götürərək, bu çətin məqamda maddi və mənəvi dəstəyə ehtiyacı olan ailələrə yardım edir. Yaşı 65-dən yuxarı tənha insanlara sosial xidmətlərin göstərilməsi ilə bağlı müvafiq tapşırıqlarınız bizim heç də tənha olmadığımızı, Sizin və Birinci vitse-prezident Mehriban Əliyevanın diqqət və qayğısı ilə əhatə olunduğumuzu nümayiş etdirdi. Bu qayğıya görə Sizə minnətdarlığımızı bildiririk. Ulu Tanrıdan Sizə və ailənizə möhkəm cansağlığı, Azərbaycanımızın xoşbəxt gələcəyi və inkişafı naminə fəaliyyətinizdə uğurlar arzulayırıq”-deyə F.Məhəmmədov qeyd edib.
Baki-xeber.com
