Erməni jurnalistlər Baş nazir Nikol Paşinyanın Rusiya Prezidenti Vladimir Putini ifşa etməyə çalışdığını iddia ediblər. Məsələ ondadır ki, 28 noyabrda Bişkekdə təşkil olunan KTMT-nin sammiti zamanı Paşinyanın təşkilata üzv olan dövlətlərin liderlərinin bir sənədin altındakı imzalarının fotosunu çəkərək sosial şəbəkədə paylaşması birmənalı qarşılanmayıb.
Erməni mediası yazır ki, Ermənistan lideri bunu KTMT-ni populyarlaşdırmaq üçün etdiyini desə də, jurnalistlər daha sensasion fikir səsləndiriblər: “Əslində, o, bütün dünyaya Vladimir Putinin sənədi imzalamadığını göstərdi. Putinin imzası, daha doğrusu, imzasının surəti sənəddə əvvəlcədən mövcud idi. Videoda isə Putinin sənədi imzalaması əks olunur. Çox güman ki, Paşinyan bu cür hallarla əvvəllər də qarşılaşıb və bu dəfə o, Rusiya rəhbərliyini ifşa etmək, baxın, bu Putin “əsl Putin” deyil, onun bənzəridir demək istəyib”.
Erməni jurnalistlərinin hazırladığı videoda qeyd olunur ki, Paşinyanın bu cür vasitələri işə salması təsadüfi deyil.
Belə görünür ki, Paşinyanla Putin arasında bir sıra məsələlərdə mövcud olan fikir ayrılıqları qalmaqdadır. O üzdən, tərəflər bir-birinə etibar etmir. Paşinyan sözügedən şantaj vasitələrinə əl atmaqla Rusiya Prezidentini erməni xislətinə xas olan hiyləgərliklə hörmətdən salmağa çalışır. Bunu açıq edə bilmədiyi üçün, belə priyomlara əl atır.
“Buna görə də Rusiya Ermənistanı və onun Baş naziri Paşinyanı hər fürsət düşdükcə aşağılayır”
Sözügedən məsələ ilə bağlı fikirlərini “Bakı-Xəbər”lə bölüşən AMİP funksioneri Əli Orucovun fikrincə, Paşinyan bununla KTMT-nin imicinə kölgə salmağa çalışır: “28 noyabrda Bişkekdə təşkil olunan KTMT-nin sammiti zamanı Paşinyanın təşkilata üzv olan dövlətlərin liderlərinin bir sənədin altındakı imzalarının fotosunu çəkərək sosial şəbəkədə paylaşması birmənalı qarşılanmayıb. Erməni Baş nazir bununla guya həm Rusiya Prezidenti Vladimir Putinin, həm də, ümumilikdə, qurumun ciddiliyini şübhə altına almaq istəyir. Məlum olduğu kimi, Paşinyanın qeyri-sabit və sistemsiz xarici siyasəti Moskvanın xoşuna gəlmir. Buna görə də Rusiya Ermənistanı və onun Baş naziri Paşinyanı hər fürsət düşdükcə aşağılayır. Bir imzanın Ermənistanda bu qədər şişirdilməsi ermənilərin Putinə demarşı kimi qələmə verilməyə çalışılır. Hansı ki, Putinin özü həmin toplantıda şəxsən iştirak edib. Bir tərəfdən KTMT-ni və Rusiya Prezidenti Putini "saxtakar" kimi təqdim edirlər, digər tərəfdən isə bu qurumun və Putinin kölgəsinə sığınırlar, onun ətəyindən öpürlər. Bu, əsl erməni ikiüzlülüyüdür. Bunun başqa adı yoxdur, riyakarlıq və ikiüzlülükdür. Ermənilərin isə bu, xarakterik xüsusiyyətlərindən biridir. Bu kimi cılız vasitələrlə, təbii ki, heç nəyə nail ola bilməyəcəklər. Əksinə, Putini deyil, özlərini ifşa edirlər”.
Vidadi ORDAHALLI
