12/07/2020 13:55
728 x 90

Erməni genosidini inkar edən beynəlxalq sayt yaradıldı - Ermənilər narahatdır...

img

Erməni medaiasının böyük narahatlıq ifadə etdiyi mövzulardan biri də Türkiyənin qondarma “soyqırımla” bağlı atdığı addımlardır. Bildirilir ki, Türkiyə Prezidenti aparatının dəstəyilə yaradılan “1915.gov.tr” adlı saytın fəaliyyəti saxta “erməni soyqırımı” iddialarını ifşa etməkdən ibarətdir.

Erməni mediası şox həyəcanlı şəkildə bu saytın fəaliyyətindən narahatlıq ifadə edir. Sözügedən sayt saxta “soyqırım” iddiaları ilə bağlı hansı işləri görə bilər ki, ermənilər belə narahatdırlar?

  • Hatəm Cabbarlı: “Yaradılan sayt ermənilərin yalanlarını ciddi şəkildə ifşa edən vasitə olacaq”

Siyasi elmlər doktoru Hatəm Cabbarlı “Bakı-Xəbər”ə açıqlamasında bildirdi ki, ermənilərin məhz bu məsələ ilə bağlı keçirdikləri narahatlıq əbəs deyil: “Biz də izləyirik ki, Türkiyədə qondarma “erməni soyqırımı” ilə bağlı yeni bir veb səhifənin açılması Ermənistanda böyük səs-küyə səbəb olub. “1915. gov.tr” domeni ilə fəaliyyətə başlayan bu sayt Ermənistanın və digər dövlətlərin saxta “soyqırım” iddialarını çürüdə bilən mənbələrə sahibdir. Mən həmin resursun fəaliyyətilə tanışam. Ciddi tarixi sənədləri təqdim edir. Həmin faktlara heç bir siyasi çalar qatmır. Ermənistan bilir ki, belə arqumentlərin qarşısında duruş gətirə bilməyəcək. Aşırı narahatlığın da kökündə məhz bu amil durur. Ermənistan heç vaxt bu mövzuda beynəlxalq hüquqa istinad edə bilmir. Çünki belə bir hadisə tarixdə yaşanmayıb. Onlar bu məsələni daha çox siyasi müstəvidə gündəmə gətirirlər. Başda ABŞ olmaqla, Avropanın və və başqa qitələrin parlamentlərində müzakirələr etdirməyə, bununla bağlı qərarlar qəbul etdirməyə çalışırlar. Ermənistan bu məsələni ona görə beynəlxalq hüquqa əsaslanaraq edə bilmir ki, ortada onları məyus edən nümunələr mövcuddur. Fransa hətta bir az da irəli gedərək saxta detalı inkar edənlərə qarşı cinayət məsuliyyətini nəzərdə tutan qanun da qəbul etmişdi. Nəticədə Fransanın ali qurumu həmin qərarı ləğv etdi. Ermənilər bu məsələdən yalnız təbliğat vasitsəi kimi istifadə edirlər. Bunun da Türkiyə üçün heç bir hüquqi məsuliyyəti yoxdur. Türkiyədə yaradılan sayt məhz onların saxta təbliğatına tutarlı cavab verir. Buna baxmayaraq, hər ilin aprel ayında Türkiyə xarici siyasətinin enerjisinin bir hissəsi erməni yalanlarını ifşaya yönəlir. Bu sayt həmin enerjini kompensasiya edəcək. Çünki ortaya ciddi sənədlər qoyur ki, o da “soyqırım”ın olmadığını tam sübut edir. Qondarma “soyqırım”ı tanıyan bəzi parlamentlər var. Ancaq həmin qərarların mahiyyətinə baxanda da məlum olur ki, onlar soyqırımların gələcəkdə törədilməməsi üçün belə addım atdıqlarını qeyd edirlər. Heç parlamentlərin qəbul etdiyi sənədlər də Türkiyə üçün hər hansı məsuliyyət yaratmır. Hesab edirəm ki, yaradılan sayt ermənilərin yalanlarını ciddi şəkildə ifşa edən vasitə olacaq”.

Məhəmmədəli QƏRİBLİ

Son xəbərlər