04/08/2020 00:06
728 x 90

Radikal müxalifətin seçkiləri ənənəvi fəsillərlə bağlamaq taktikasının əsas mənası - sosial baza problemi…

Rəfail Becanov: “Hamısının da kökündə zəiflik, hazırlıqlı olmamaq amili dayanır”

img

Məlum olduğu kimi, növbəti parlament seçkilərinin keçiriləcəyi vaxt dəqiq müəyyənləşib. Bununla bağlı ölkə başçısı "Azərbaycan Respublikası Milli Məclisinin beşinci çağırışının buraxılması və Azərbaycan Respublikasının Milli Məclisinə növbədənkənar seçkilərin təyin edilməsi haqqında" Sərəncam imzalayıb. Sərəncamla Azərbaycanın beşinci çağırış Milli Məclisi buraxılır. Növbədənkənar seçkilər 2020-ci il fevralın 9-na təyin edilir.

Xatırladaq ki, dekabrın 4-də Konstitusiya Məhkəməsinin Plenumu Milli Məclisin buraxılmasının Azərbaycan Konstitusiyasına uyğun olması barədə qərar qəbul edib. Qərarda deyilir ki, Milli Məclisin səlahiyyətlərinin parlamentin yeni tərkibi formalaşana və fəaliyyətə başlayana qədər saxlanması zəruridir.

Dekabrın 2-də “Milli Məclisə növbədənkənar seçkilərin təyin edilməsi haqqında Azərbaycan Prezidentinə müraciət edilməsi barədə” qərar qəbul edilib. Bu qərarda Azərbaycan Prezidentindən Milli Məclisin Konstitusiyaya əsasən buraxılması və növbədənkənar seçkilərin təyin edilməsi xahiş edilir.

Məlumata görə, Milli Məclis üzvlərinin mütləq əksəriyyətində parlament fəaliyyətinin həyata keçirilməsinin mümkünsüzlüyü barədə mövqe formalaşıb və nəticədə parlamentin öz fəaliyyətini davam etdirməsi qeyri-mümkün olub.

Qərara əsasən, Milli Məclisin Konstitusiyada nəzərdə tutulan səlahiyyətlərinin müasir çağırışlara uyğun həyata keçirilməsi və xalqın etimadının yüksək səviyyədə saxlanmasının təmin edilməsi üçün Milli Məclis buraxılmalı və növbədənkənar parlament seçkiləri keçirilməlidir.

Maraqlıdır ki, radikal müxalifət qarşıdan gələn parlament seçkilərinin keçirilməsi və orada iştirakla bağlı konkret mövqe ortaya qoymur. Onların bir qrupu guya ölkədə lazımi seçki mühitinin olmadığını əsas gətirərək, seçkini boykot edəcəyilə şantaja əl atır. Böyük əksəriyyəti isə mövsümü, konkret olaraq, qış fəslini bəhanə edərək, seçkilərdə iştirakın mümkünsüzlüyünü deyir. Onlar fikirlərini bununla əsaslandırırlar ki, seçkilər qış ayına təsadüf edir və həmin zaman seçici fəallığı aşağı düşür. Radikalların bu əsaslandırmasını nə dərəcədə doğru saymaq olar? Bunu sosial baza yoxluğundan doğan bir bəhanə kimi xarakterizə edə bilərikmi?

  • “...sosial bazanın yoxluğu ilə əlaqəlidir”

Razi Nurullayevin rəhbəri olduğu AXCP-nin funksioneri Rəfail Becanov “Bakı-Xəbər”ə açıqlamasında bildirdi ki, bütün bu bəhanələrin köklü səbəbləri var: “Seçki qabağa çəkilməsəydi, onun qanuni keçirilmə vaxtı noyabr ayına təsadüf edəcəkdi. Siyasətə mövsümi parametrlərlə yanaşmaq olmaz. Biz elə iqlimdə yaşayırıq ki, burada sərt qış olmur. Yəni seçki kampaniyasını aparmaq mümkündür. Hətta elə olur ki, biz bir neçə il qar həsrətində qalırıq. Kim deyə bilər ki,  gələn ilin fevralında hava noyabrdan yaxşı, mülayim olmaya bilər. Bunu proqnozlaşdırmaq asan deyil. Siyasətdə belə detallara söykənib mübarizə aparmaq zəiflikdən xəbər verir. Bu cür proseslərdə platformalarla, fərqli seçki taktikaları ilə gündəmə gəlmək lazımdır. Burada bir məsələ var. Radikal müxalifət hazırlıqsız vəziyyətdə yaxalanıb. Ona görə də belə səs-küy salır. Bunun da günahı özlərindədir. Siyasətdə parametrlər hər an dəyişə bilər. Siyasi partiya üçün seçki ev tapşırığı kimi olmalıdır. Hər zaman buna hazır vəziyyəti əvvəlcədən planlaşdırmalıdır. Radikal dairələrin bəyanatlarına baxın. Seçkidən yayınmaq üçün çox gülməli bəhanələr ortaya atırlar. Hamısının da kökündə zəiflik, hazırlıqlı olmamaq amili dayanır. Bunu açıq ifadə edə bilmədikləri üçün, bələ əsassız arqumentlər gətirirlər. Ən başlıca səbəb isə sosial bazanın yoxluğu ilə əlaqəlidir. Bizim partiya seçkidə iştirak edəcək. Mənim özüm də namizəd olacağımı  konkretləşdirmişəm. Niyyətimiz təmiz olduğu üçün, fevral ayı kampaniya aparmağımıza maneə törədə bilməz”.

Məhəmmədəli QƏRİBLİ

Son xəbərlər