Ermənistanın Baş naziri Nikol Paşinyanın qərarı ilə bu ölkənin nümayəndə heyəti Azərbaycana gələcək. Erməni mətbuatının verdiyi məlumata görə, nümayəndə heyətinə Ərazi idarəetmə və infrastruktur nazirinin müavini Armen Simonyan, Ərazi İdarəetmə və İnfrastruktur Nazirliyinin Yol nəqliyyat siyasəti idarəsinin şöbə müdiri Arman Karapetyan və Ermənistan Xarici İşlər Nazirliyinin nümayəndəsi Artem Aznauryan daxildir.
Onlar 4-7 dekabr tarixlərində TRASEKA-nın Bakıda keçiriləcək 14-cü iclasında və qurumun 20 illiyinə həsr olunmuş konfransda iştirak edəcəklər.
Çox maraqlıdır ki, bu məsələdə də Paşinyanın ikiüzlü siyasəti nəzərə çarpır. Öz istəyilə rəhbər şəxsləri Bakıya göndərən Paşinyan onların təhlükəsizliyi ilə bağlı heç bir təhlükənin olmayacağından əmindir. Onda isə niyə “Arsenal” klubunun uğursuz erməni əsilli oyunçusu Mxitaryana Bakıda oyun keçirməməyi məsləhət görürdü. Paşinyan həmiz saxta kampaniyada çox yaxından iştirak etdi. Hətta xarici nəşrlərə verdiyi açıqlamalarda Mxitaryanın Bakıya “gedə bilməməsini” ermənifobiyanın nümunəsi kimi qələmə verməyə çalışırdı. Bu iki hadisə arasındakı ziddiyyət nəyin əlaməti sayıla bilər?
- Nəzakət Məmmədova: “…bu məkrli plana xidmət edən taktiki gedişlərdir”
Politoloq Nəzakət Məmmədova “Bakı-Xəbər”ə açıqlamasında bildirdi ki, Ermənistanın məkrli, həddən artıq makiavelist diplomatiya strategiyası bizə hamıdan daha yaxşı məlumdur, çünki biz illərdir onun əziyyətini çəkirik: “Lazım gəldikdə təkbaşına bir şəxsin xidmətindən yararlanaraq, destruktiv planlarını həyata keçirən erməni diplomatiyası Kardaşyan, Mxitaryandan istifadə etsə də, zərurət yarandıqda özünü sivil dünyaya inteqrasiya edən dövlət kimi göstərməyə çalışır. Erməni diplomatiyası bu zaman öz yırtıcı, məkrli xislətini hüquqa tabe olan, müasir, sivil dünyanın bir parçası olan dövlət kimi ört-basdır etməyə çalışır. Ermənistana həmin vaxt nə lazımdırsa, diplomatiya o rola girir və həmin plana uyğun hərəkət edilir. TRASEKA-da iştirak ermənilərə lazım olduğu üçün, bu zaman Azərbaycanda təhlükəsizliklərinə təhdid bəhanəsini arxa plana atırlar. Halbuki, nəinki bir futbolçunu, yeri gəldikdə onun idman karyerasını öz ambisiyalarına qurban vermək, bütöv bir ölkənin əhalisini səfalət həddində saxlamaq baş verir, necə ki, bu, hazırda Ermənistanda cərəyan edir.
Sadəcə, Ermənistan diplomatiyası strateji planlardan əlavə, situasiyaya uyğun taktika da həyata keçirir. Strateji plan "böyük Ermənistan"dırsa, Mxitaryan, TRASEKA və s. bu məkrli plana xidmət edən taktiki gedişlərdir. Azərbaycanın beynəlxalq imicini korlamaq üçün Mxitaryandan istifadə edilsə də, TRASEKA kimi nəhəng layihədən kənarda qalmamaq, eyni zamanda, sivil, demokratik dövlət imicinin formalaşması üçün burada iştirak lazım oldu və Paşinyan bu cür qərar verdi”.
Məhəmmədəli QƏRİBLİ
.jpg)
.jpg)
