Fikrət Yusifov: “Qarabağda ermənilərin sayı heç vaxt 60 min nəfəri ötməyib”
Qarabağdan gedən 39 min 650 nəfərə Ermənistan vətəndaşlığı verilib. Bunu Ermənistan Daxili işlər nazirinin müavini Armen Mkrtçyan parlamentin daimi komitələrinin birgə iclasında 2025-ci il dövlət büdcəsinin icrası ilə bağlı illik hesabatın müzakirəsi zamanı açıqlayıb.
Onun sözlərinə görə, bu ilin 1 yanvarından etibarən Qarabağdan getmiş şəxslərin Ermənistan vətəndaşlığı üçün müraciətlərinin sayında artım müşahidə olunub. Xüsusilə, bu ilin iyun ayının əvvəlinə onların sayı 11.146-ya çatıb. Qarabağdan getmiş yetkinlik yaşına çatmayanların sayı 28.000 nəfər təşkil edib. “Onlardan təxminən 12.000 nəfəri artıq Ermənistan vətəndaşlığını alıb”, – Mkrtçyan deyib.
Maraqlıdır, son parlament seçkilərində revanşistlərin məğlubiyyətindən sonra digər Qarabağ ermənilərinin də Ermənistan vətəndaşlığı alması sürətlənə bilərmi?
Sözügedən məsələyə aydınlıq gətirən sabiq maliyyə naziri, professor Fikrət Yusifov baki-xeber.com-a açıqlamasında bildirdi ki, Qarabağ ermənilərinin sayı şişirdilir: “Hesab edirəm ki, Qarabağda yaşamış ermənilərin sayı bütün dövrlərdə separatçılar tərəfindən şişirdilib. Reallıqda onların sayı elə də çox olmayıb. 44 günlük müharibədən 6 ilə yaxın, 1 günlük antiterror əməliyyatından isə 3 ilə yaxın keçən vaxtda Ermənistana rədd olub getmiş hər hansı bir Qarabağ ermənisinin bu günə qədər vətəndaşlıq almaması mümkün deyil. Ermənilərin özləri kimi statistikaları da saxtadır. Qarabağda ermənilərin sayı heç vaxt 60 min nəfəri ötməyib. Elə Ermənistan daxili işlər nazirinin müavinin Qarabağdan gedib Ermənistan vətəndaşlığı almış ermənilərin sayı barədə səsləndirdiyi rəqəmlər bu sayın 60 mini ötmədiyini sübut edir. Saxtakarlıq ermənilərin ana işidir. Bu cəmiyyətin heç nəyi yoxdur. Özlərininki kimi təqdim etdikləri nə varsa hamısı oradan-buradan oğurlanıb. Guya milli olan bu bədbəxt toplumun öz mətbəxi, musiqisi belə yoxdur. Azərbaycan mahnılarının musiqisini oğurlayıb, utanmadan onu ermənicə oxuyur və bunu da erməni musiqisi kimi təqdim edirlər. Abır, həya, milli tərbiyə adlı heç bir dəyərə sahib deyil bu toplum. Belə bir millətin Qarabağ saxtakarlığının bir üzündə də oradakı ermənilərin sayının 2-3 dəfə şişirtmələri dayanır. O baxımdan hesab edirəm ki, əksər Qarabağ ermənisi Ermənistan vətəndaşlığı alıb”.
Vidadi ORDAHALLI
