Azərbaycan Kaledoniyanın müstəqilliyinin tanınmasına doğru mühüm addım atdı...
Mübariz Göyüşlü: "Mütərəqqi bəşəriyyət də Azərbaycanın bu çağırışlarına, bu çalışmalarına yaxından dəstək verərsə, Fransanın müstəmləkəçilik siyasətinin tamamilə iflasının şahidi olarıq"
Azərbaycan Milli Məclisi ilə Yeni Kaledoniya Konqresi arasında Əməkdaşlıq haqqında Memorandum imzalanıb. İmzalanma mərasimində Milli Məclisin sədri Sahibə Qafarova deyib ki, bu sənəd parlamentlərimiz arasında əlaqələrin inkişaf etdirilməsi üçün hüquqi bazanın formalaşdırılması baxımından vacib əhəmiyyətə malikdir və əməkdaşlığımızın çərçivəsini müəyyənləşdirəcək.
Memorandumda bir sıra vacib məqamlar əks olunub. Sənəddə Azərbaycan və Yeni Kaledoniya xalqları arasında dostluq əlaqələrinin möhkəmləndirilməsi naminə parlamentlərarası əməkdaşlığın inkişaf etdirilməsi niyyəti ifadə edilib. Bu məqsədlə iki ölkənin parlamentlərinin komissiyaları, komitələri və orqanları arasında daimi əlaqələrin yaradılmasına kömək göstərilməsi, həmçinin parlament, beynəlxalq fəaliyyət təcrübələrinin öyrənilməsi və bölüşülməsi məqsədilə deputatlardan ibarət nümayəndə heyətlərinin qarşılıqlı səfərlərinin təşkili nəzərdə tutulub.
Sənəddə tərəflər arasında əməkdaşlığı inkişaf etdirmək üçün deputatlardan ibarət müvafiq qrupun yaradılması və bu qrupun fəaliyyətinin hər vasitə ilə təşviqi də əksini tapıb. Bunlarla yanaşı, Azərbaycan ilə Yeni Kaledoniya arasında beynəlxalq parlament arenasında əməkdaşlığın müxtəlif istiqamətlərinin araşdırılması, nəzərdən keçirilməsi, inkişaf etdirilməsi və reallaşdırılması üçün fəal səylərin göstərilməsi planlaşdırılır. Tərəflər qanunverici orqanların səmərəli fəaliyyətinə müsbət töhfə verə biləcək təcrübə mübadiləsinin aparılması məqsədilə Milli Məclisin Aparatı ilə Yeni Kaledoniya Konqresinin Bürosu arasında daimi əlaqələrin yaradılmasına da razılıq veriblər.
Yeni Kaledoniya ilə Azərbaycan arasında əməkdaşlıq memorandumunun imzalanması faktının Fransanın müstəmləkə sisteminin çökdürülməsində nə kimi rolu ola bilər?
Bir çox ekspertlərə görə, Azərbaycanla Yeni Kolendoniya arasında imzalanan bu mühüm sənəd Azərbaycan tərəfindən onun müstəqilliyinin tanınması istiqamətidə atılan addımlardan biridir. Bəzi ekspertlər hesab edir ki, Azərbaycandan sonra başqa ölkələrin parlementləri də Yeni Kolendoniya arasında bu cür sənədlər imzalaya bilər. Azərbaycanın addımının təkrarlanmasının gözlənilən olduğunu deyən ekspertlər hesab edir ki, bu müstəmlkəçi, işğalçı Fransaya çox layiqli cavab olardı və onun müstəmləkəçilik sisteminin tamamilə çökməsinə gətirib çıxarardı.
"Heç şübhəsiz, bu addımlar təsirsiz ötüşməyəcək"
Müasir İnkişaf Birliyinin sədri Mübariz Göyüşlü "Bakı-Xəbər"ə şərhində "Ümumiyyətlə, Azərbaycan Fransanın yeni müstəmləkəçilik siyasətinə qarşı çox uğurlu bir siyasət həyata keçirir. Müsir dövrdə müstəmləkəçiliyin bütün təzahürlərinə qarşı bəşəriyyət mübarizə aparmalıdır. Fransanın hansı gücə malik olmasının əhəmiyyəti yoxdur. Azərbaycan artıq Qoşulmama Hərəkatı nəzdində Bakı Təşəbbüs Qrupu yaradaraq Fransanın müstəmləkçilik siyasətinə qarşı mübarizə aparır. İstər Yeni Kalendoniyanın, istərsə də dənizaşırı və digər istiqamətlərdə olan ölkələrin, xalqların hüquqlarının müdafiəsi ilə bağlı aktiv çalışmalar həyata keçirilir" - deyə bildirdi.
M.Göyüşlünün sözlərinə görə, bütün dünyanın məqsədi Fransanın, eləcə də onun kimi ölkələrin neokolonializm sistemini çökdürmək üzərində köklənməlidir. "Prosesin gedişatı göstərir ki, Azərbaycandan edilən çağırışlar əsaslı dərəcədə öz təsirini göstərir. Fikir verirsiz ki, artıq Fransanın müstəmləkəsi olan ərazilərdə onun imperialist siyasətinə, müstəmləkəçiliyinə qarşı etirazlar get-gedə artmaqdadır. Azərbaycanın bu çalışmalarına Türkiyə, Rusiya kimi böyük dövlətlərdə keçirilən analoji tədbirlərlə reaksiya verilir.
Azərbaycan parlamenti ilə Yeni Koledoniya Konqresi arasında imzalanan əməkdaşlıq sənədi Fransanın müstəmləkəçilik sisteminin çökdürülməsində bu və digər şəkildə rol oynaya bilər. Heç şübhəsiz, bu addımlar təsirsiz ötüşməyəcək. Biz bunun uğurlu nəticələrini gələcəkdə görəcəyik. Əgər mütərəqqi bəşəriyyət də Azərbaycanın bu çağrışlarına, bu çalışmalarına yaxından dəstək verərsə, Fransanın müstəmləkəçilik siyasətinin tamamilə iflasının şahidi olarıq"-deyə M.Göyüşlü bildirdi.
İradə SARIYEVA
