2024-cü il fevralın 7-də keçirilən prezident seçkilərində İlham Əliyev inamlı qələbə qazanaraq növbəti müddətə dövlət başçısı seçildi. Bu qələbə xalqın öz liderinə sarsılmaz inamından qaynaqlanmaqla, son iyirmi ildə görülən işlərə, qazanılan uğurlara verilən dəyərdir.
Prezident seçkiləri bir dövrün yekunu, yeni bir dövrün başlanğıcı sayılır. Ötən ilin sentyabrında suverenliyimiz tam bərpa olundu, Qarabağda separatçı rejimin mövcudluğuna birdəfəlik son qoyuldu. Bununla da Azərbaycan tarixinin çox mühüm dövrünə yekun vuruldu. Prezident, müzəffər Ali Baş Komandan İlham Əliyev qüdrətli sərkərdəliyi, öz müdrik siyasəti ilə xəyal kimi görünən arzularımızı həqiqətə çevirdi. İndi isə yeni bir dövr başlayır, bu dövrün başlanğıcı məhz prezident seçkiləri ilə qoyulur.
İlham Əliyev 20 illik prezidentlik dönəmində daim azərbaycançılıq ideyasını təbliğ edib. Bundan sonrakı prezidentlik dönəmində bu istiqamətdə ciddi addımlar gözləyə bilərik.
...50 milyondan çox azərbaycanlının, eyni zamanda, Azərbaycanda yaşayan bütün xalqların ümumi məfkurəsinə çevirmək bacarığı…
1993-cü ilin iyun ayında mərhum Heydər Əliyev müstəqil Azərbaycana rəhbərlik etməyə başlayanda Azərbaycan dövləti özünün ən çətin və mürəkkəb anlarını yaşayırdı. Əslində, gənc Azərbaycan dövlətinin varlığı təhlükə altında idi. Azərbaycanı təhlükəyə sürükləyən amillərdən biri də ölkənin vahid ideologiyasının olmaması və ərazi bütovlüyünün işğalçı Ermənistan tərəfindən pozulması idi. 1993-cü il Dağlıq Qarabağ probleminin ən gərgin dövrü idi. Torpaqlarımızın 20 faizi işğal edilmiş, 1 milyon soydaşımız qaçqın və məcburi köçkün vəziyyətinə düşmüşdü.
Böyük istedada və uzaqgörənliyə malik bu fenomenal şəxsiyyətin xalqımız qarşısında ən böyük xidmətlərindən biri də məhz azərbaycançılıq məfkurəsini Azərbaycanda və dünyada yaşayan 50 milyondan çox azərbaycanlının, eyni zamanda, Azərbaycanda yaşayan bütün xalqların ümumi məfkurəsinə çevirmək bacarığı idi. Ulu Öndər Heydər Əliyev 2001-ci il noyabrın 9-da Bakıda keçirilən Dünya Azərbaycanlılarının I Qurultayında deyirdi: "Müstəqil Azərbaycan dövlətinin əsas ideyası azərbaycançılıqdır. Hər bir azərbaycanlı öz milli mənsubiyyətinə görə qürur hissi keçirməlidir və biz azərbaycançılığı - Azərbaycan dilini, mədəniyyətini, milli-mənəvi dəyərlərini, adət-ənənələrini yaşatmalıyıq".
Azərbaycançılıq ideologiyasının təkamülündə İlham Əliyev mərhələsi özünü aydın göstərir
2003-cü ildə prezident seçkiləri ərəfəsində Prezident seçiləcəyi təqdirdə Heydər Əliyev ideyalarına sadiq qalacağını bəyan edən İlham Əliyev, bütün istiqamətlərdə olduğu kimi, əsas məfkurəmiz olan azərbaycançılıq ideologiyasını da daim inkişaf etdirmək, zənginləşdirmək və ona yeni çalarlar əlavə etməyə söz verdi.
İlham Əliyevin çıxışlarında dil, ədəbiyyat məsələlərinə daim xüsusi diqqət göstərilir. Müasir beynəlxalq münasibətlər şəraitində ana dilini həm inkişaf etdirmək, həm də qorumaq həqiqətən də çox əhəmiyyətli məsələdir. Prezident İlham Əliyevin münasibət göstərir ki, dövlətimiz həqiqətən xalqın arzuları, idealları ilə yaşayan bir dövlətdir...
Müxtəlif mədəniyyətlərə, dünyagörüşlərinə təmkinli dialoq əsasında hörmətlə yanaşılması, qloballaşan dünyanın çağırışlarına həssas, anlamlı münasibət, multikulturalizm azərbaycançılıq ideologiyasının təkamülündə İlham Əliyev mərhələsi özünü aydın göstərir.
Azərbaycan xalqı (və dövlətçiliyi) tərəfindən azərbaycançılıq ideologiyasının tətbiqi, müdafiəsi və inkişaf etdirilib təkmilləşdirilməsi dünya miqyasında çox müxtəlif ideoloji proseslər kontekstində baş verdiyi hamıya məlumdur. Bu proseslər azərbaycançılığı birmənalı inkar edə bilmədiyi kimi, birmənalı təsdiq də edə bilməz. Lakin Azərbaycan xalqının milli ideologiyasının nəinki danılmaz, hətta mübahisəsiz bir üstünlüyü vardır ki, onun mahiyyətində dəyər komponentləri ifadə olunur.
İlham Əliyev bundan sonrakı prezidentliyi dönəmində də bu ideologiyanı zənginləşdirəcək və onun təbliği üçün əlindən gələni əsirgəməyəcək
Azərbaycanı istəməyən qüvvələrə, 20 faiz torpaqlarımızı 30 ilə yaxın işğal altında saxlayan Ermənistana qarşı mübarizədə azərbaycançılıq ideologiyasının mühüm rol oynadı.
bir məqamı vurğulamaq önəmlidir. Azərbaycandan kənarda yaşayan soydaşlarımızla yanaşı, milliyyətindən asılı olmayaraq, Azərbaycanın müstəqilliyini, birliyini və hüquqi, demokratik dövlət kimi inkişafını arzulayan hər bir kəs azərbaycançılıq ideologiyasının daşıyıcısıdır.
Azərbaycançılıq ideologiyasının təkamülündə İlham Əliyev mərhələsi özünəməxsus dinamizmi ilə bu ideologiyanı zənginləşməkdə, milli ictimai şüurun əsaslarını müəyyənləşdirməkdə və Azərbaycan xalqının dünya birliyindəki mövqelərini inamla yüksəltməkdədir. Azərbaycançılıq konsepsiyası bu gün cəmiyyətin inkişafının ideya təməlini təşkil edir.
Əminliklə deyə bilərik ki, İlham Əliyev bundan sonrakı prezidentliyi dönəmində də bu ideologiyanı zənginləşdirəcək və onun təbliği üçün əlindən gələni əsirgəməyəcək.
Azərbaycançılıq fəlsəfəsi İlham Əliyev siyasətinin mənəvi dayağına çevrildi. Milli ləyaqət, milli qürur uğurlarımızın əsas şərtləri oldu. Prezident İlham Əliyevin yürütdüyü siyasət müasir Azərbaycanın güclənməsinə, milli-mənəvi dəyərlərimizin ən yüksək səviyyədə qorunmasına xidmət etdi. Dünyada tolerantlıq məkanı kimi tanınan Azərbaycan Prezident İlham Əliyevin xidmətləri sayəsində mədəniyyətlərarası və sivilizasiyalararası dialoq məkanı kimi tanındı. Azərbaycan xalqı 20 il öncə etdiyi seçimin tarixi qürurunu yaşayır. Prezident İlham Əliyev yalnız Azərbaycan dövlətini inkişaf etdirmədi, o həm də xalqımız və dövlətimiz üçün yeni şanlı tarix yazdı.
Məhəmmədəli QƏRİBLİYazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
