Misir piramidalarından tutmuş Tac Mahala, Krıma qədər iddialar irəli sürən ermənilər elə zənn edirlər ki, bütün dünyanı bunlar “qurublar”. Dünyanın hər yerində “erməni irsinin izlərini” axtarırlar.
Təbii, bu da onların bir toplum kimi xəstə təfəkkürə malik olduğunu göstərir. Son zamanlar yeni erməni iddialası gündəmə gəlib. Bəzi erməni “alimləri” iddia edirlər ki, eramızdan əvvəl 523-cü ildə ermənilər guya Fransanın Marsel şəhərini inşa ediblər, Fransızlar üçün “böyük mədəniyyət” nümunəsi göstərməyə başlayıblar. Bəzi müasir erməni alimləri Marseldə də “Erməni irsinin” olduğu güman edirlər. Dünyanın hər yerindən əl çəkib indi də “böyük bacılarının” şəhərinə iddia irəli sürürlər. Nəzərə alsaq ki, hazırda Marseldə çox erməni yaşayır və orda kilsələri və sair var. Onlarda da bir genetik xəstəlik var ki, harada yaşayırlarsa oranın tarixinə aid uydurmalar quraşdırıb, “erməni izləri” axtarmağa başlayırlar.
“İndi Fransa görsün ki, kimi dəstəkləyir, hansı topluma arxa-dayaq olur”
AMEA-nın Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə şərhində bildirdi ki, ermənilərin Marselə qarşı irəli sürdüyü iddia təəccüblü deyil. “Erməni tədqiqatçılarının yazdıqlarına baxanda adamı gülmək tutur. Bunlar hər şeyi ehtimal edir, sonra isə “həqiqət” kimi qələmə verməyə çalışırlar. Dünyanın hansı nöqtəsində qədim bir abidə, qədim bir şəhər varsa erməni alimləri dərhal orada “erməni izlərinin” axtarışına çıxırlar. Erməni alimləri hər şeyə qarşı bir iddia irəli sürürlər. Onlar yazanda ehtimal edirlər ki, guya Misir ehramlarını ermənilər “tikib”, Romadan əvvəl “erməni şəhəri” “yaradıblar”, romalılardan da əvvəl xristianlığı “qəbul ediblər”. Bütün bunlar hamısı illüziyadır, xəyaldır. Erməni alimləri öz xülyalarını “həqiqət” kimi yazırlar. Təsəvvür edin, onlar elə şeylər yazırlar, adam onların hərəkətlərinə məəttəl qalır. Əvvəl də demişəm, indi də demək istəyirəm, bu toplum özünü qədim dünyaya yamaq etməkdən ötrü bütün sivilizasiyalara iddia edir. Bir zamanlar Albaniyanı öz “dövlətləri”, Gürcüstan ərazisini öz “torpaqları” kimi qələmə verməklə kifayətlənməyib indi də Avropaya keçiblər. Ermənilər elə həvəsləniblər ki, indi də Romaya, Fransaya meyl edirlər. Bu erməni xəstəliyidir. Xəstəlik necə olur? Bu toplum xəstədir. Ermənilərin bu əsassız və çürük iddialarını eşidəndə yadıma bir lətifə düşür. Bir oğlanın atası xəstələnir, oğlan da vecsizin, fərsizin biri olub, heç nəyi yox imiş. Atasının yanına gəlir başlayır bir-bir saymağa ki, ata, filan şey olsa yeyərsən və sair. Ata da deyir “hə bala, gətir”. Oğlan deyir yoxdur, amma deyirəm görüm ürəyindən keçirmi, istəyirsənmi? Ermənilərin son dövrlərdəki bütün fəaliyyəti bu lətifəyə bənzəyir. Dünyada nə qaldı ki, ermənilər onu öz adlarına çıxmasınlar? Odessa, Soçi, Krım, Rostov şəhərlərinə iddia etdilər. Rusiyanın, Ukraynanın, Türkiyənin, İranın, Azərbaycanın, Gürcüstanın qədim şəhərlərinin hamısı “ermənilərin imiş”. Təsəvvür edin ki, nə qədər gülünc səslənir. Xəstə belə olur. Bu baxımdan da, ermənilərin Fransanın Marsel şəhəri ilə bağlı ortaya atdıqları uydurmalar da gözlənilməz deyil. Əvvəlcədən də deyilmişdi ki, ermənilər hər yerə iddia edib qurtardıqdan sonra Fransanın şəhərlərinə qarşı iddia irəli sürəcəklər. Hara ki ermənilərin ayağı dəyib, erməni alimləri oranı “qədim erməni şəhəri” kimi qələmə verirlər. Ermənilər yalnız fransızlara deyil, farslara və başqa xalqlara da “mədəniyyət gətirdiklərini” iddia edirlər”.
Q.Hacıyevin sözlərinə görə, biz ermənilərin ərazilərimizə iddia etdiyini deyəndə avropalılar buna laqeyd yanaşırdılar, amma indi ermənilər iddia edirlər ki, guya 2500 il bundan əvvəl Fransanın Marsel şəhərinin əsasını qoyublar. “İndi Fransa görsün ki, kimi dəstəkləyir, hansı topluma arxa-dayaq olur. Biz deyəndə ki, ermənilərin Mesrop Maştoçu da, nə bilim başqa “dahiləri” də uydurma və cəfəngiyyatdır, Albaniyanın onlara heç bir aidiyyəti yoxdur, bizə qəribə baxırdılar. Bizim sözümüzə şübhə edirdilər ki, yalan olsa bu qədər yazmazdılar. Amma görün yalanlarının sayını nə qədər artırıblarsa artıq gedib düz Fransaya çıxıblar. Qoy, fransızlar görsün ki, ermənilər kimdir, hansı yola qulluq edir. Yer üzündə ilk nə varsa hamısını ermənilərə bağlayırlar, hətta peyğəmbərləri də, onların yaratdıqları dinləri də, qədim şəhərləri də, mədəniyyətləri də saxtalaşdırırlar. Ermənilərin indiyə qədər etdikləri saxtakarlıqları yan-yana düzsən neçə kitab alınır. Erməni cəfəngiyyatları qırxayaq kimi dünyanı bürüyür. Ermənilərin Marseli “erməni əyaləti, şəhəri” kimi təqdim etməsi, bu şəhərin əsasının ermənilər tərəfindən qoyulmasını iddia etməsi təəccüblü deyil. Hələ bu barədə çox yazacaqlar”.
Q.Hacıyev deyir ki, erməni alimləri yazanda, bir iddia irəli sürəndə heç bir gerçək mənbəyə əsaslanmırlar, onlar uydurma mənbələr əsasında yazırlar. Bunun isə onların özlərinin ifşasına xidmət etdiyini deyən Q.Hacıyevin sözlərinə görə, erməni tarixini yazanların çoxu qeyri-peşəkarlar olub. O qeyd edir ki, Xanzadyan soyadlı “erməni arxeoloqu” əslində ixtisasca aqronom olub, amma gedib Azıxdan yazıb. Q.Hacıyevin qeyd etdiyinə görə, belələri də daha çox saxtalakarlıq edir və iddialar irəli sürürlər.
İradə SARIYEVA
