Qarabağ Müharibəsi Cinayətləri Komissiyasının Prezidenti Salih Kurt ARB-24-ə danışıb

img

Ötən həftəsonu Qarabağ Müharibəsi Cinayətlərini Araşdırma Komissiyasının Prezidenti Salih Kurt Türkiyədən ARB-24 televiziyasının canlı efirinə qoşularaq, komissiyanın yaranma zərurəti və gələcək fəaliyyət istiqamətlərindən ətraflı bəhs edib.

O, Qarabağ bölgəsindəki insanlıq soyqırımının sadəcə bir soyqırım olmadığını, ermənilər tərəfindən həm də Qarabağdakı tarixi və mədəni irsin tamamilə məhv edildiyini, bunun bəşəriyyətə və insanlığa yaraşmayan bir günah - cinayət olduğunu vurğulayıb.

Pravdainfo.org xatırladır ki, hazırda Qarabağ Müharibəsi Cinayətlərini Araşdırma Komissiyasının sıralarında dünyanın 36 ölkəsindən 120 tanınmış ekspert və hərbçi, sabiq diplomatlar, tarixçi alimlər, nüfuzlu universitet rektorları və araşdırmaçı jurnalistlər var.

Onu da qeyd edək ki, Komissiyanın Prezidenti Salih Kurt Türkiyədə terrorçu Abdullah Öcalanı həbs etmə əməliyyatında böyük cəsarət nümayiş etdirib. O, bunun üçün Baş Nazirlik Yüksək Terror Məsləhət Heyətini toplayaraq terrorçu Öcalanın həbsinə nail olunub.

Qarabağ Müharibəsi Cinayətlərini Araşdırma Komissiyasının sədri Salih Kurt Dünya Türk Jurnalistlər Birliyinin (World Turkish Journalist Union) prezidenti olmaqla yanaşı, həm də Avropanın ən nüfuzlu təşkilatlarından olan “EAS Aqua Culture”nin (Avropa Su Məhsulları) 2020-ci ildə prezidentliyə namizədi olub. O, həmçinin, Trtajans Media Holdinqinin Prezidenti kimi Türkiyə, eləcə də Azərbaycan həqiqətlərinin dünyaya çatdırılması, erməni yalanlarının ifşa edilməsi istiqamətində də ciddi fəallıq nümayiş etdirən nüfuzlu media ekspertidir.

Mahmud MƏMMƏDLİ

Son xəbərlər