Keçmiş amerikalı həmsədr Azərbaycanın hərbi uğurları barədə çox ziyanlı danışdı...

img

Robert Bradke təxminən 2010-12-ci illərdə Minsk Qrupunda ABŞ-dan həmsədr olub. Dünən "Amerikanın səsi"nə verdiyi müsahibə ilə Azərbaycanın uğurlarının dəyərini heçə endirməyə çalışdı və çox pessimist əhvali-ruhiyyə aşıladı. Əgər bütün ABŞ administrasiyası da onun kimi düşünsə, Azərbaycanı və bizim regionda sülh üçün həqiqətən çalışan ölkələrin sırasında olan-qalan reytinqlərini də itirəcəklər.

Bu fikirləri özünün Facebookdakı sosial hesabında “Bakı Xəbər” media qrupunun rəhbəri, politoloq Aydın Quliyev yazıb. ABŞ həmsədrinin bəlkə elə bu düşüncədə olması üzündən illərdir Qarabağ probleminin həllinin ölü nöqtədən tərpənməsinə zərrə qədər təsir edə bilmədiyini deyən politoloq daha sonra yazır:

- Zatən bu düşüncə ilə Qarabağ problemi həll oluna bilməzdi. Baxın, Bradke nə deyir. Onun "əlamətdar" fikirlərindən ikisini qeyd edirəm:

1.Cənab Bradke hələ də iddia edir ki, bu münaqişə olduqca mürəkkəb münaqişədir.

Halbuki, bütün dünya son ay yarımda əmin oldu ki, bu münaqişənin özü yox, onun həllinə yol açmalı olan dövlətlərin diplomatlarının düşüncəsi mürəkkəb imiş. Hər kəs münaqişənin həllini yox, bu münaqişənin üstündə öz ölkəsinin çıxarlarını həyata keçirmək imkanlarını axtarırdı. Sübut olundu ki, münaqişənin adını "çox mürəkkəb münaqişə" qoymaqla illəri illərə vermək yox, sadəcə Ermənistana demək lazım idi ki, Azərbaycanın torpaqlarından get. Göründüyü kimi, münaqişə onu həll etmək istəyənlər üçün çox mürəkkəb yox, çox sadə imiş. Ancaq bu sadə yolla getməyə illər boyu Fransada və ABŞ-da olan erməni lobbisi imkan vermədi.

Azərbaycan ordusu cəmi 44 günə münaqişənin, nisbi ölçü ilə yanaşsaq, 80 faizini həll elədiyi halda, cənab Bradke hələ də "mürəkkəb münaqişə" oyun terminologiyasından çıxmayıb.

2.Cənab Bradke deyir ki, mən indi də bu fikirdəyəm ki, münaqişənin hərbi həll yolu yoxdur, hərbi yolla dəyişdirilmiş indiki vəziyyət sonradan onun hərbi yolla yenidən dəyişdirilməsinə zəmin yaradır , qarşı tərəf özünə gələndən sonra hərb meydanında itirdiyini hərblə geri qaytarmağa çalışacaq.

Fikir verirsinizmi, keçmiş həmsədr Ermənistana revanş yolu göstərir, belə bir ideoligiya formalaşdırır ki, indiki həll hərbi yolla başa gəldiyi üçün Ermənistan onu gələcəkdə hərbi yolla dəyişmək hüququna malikdir.

Təəssüf ki, müsahibənin azərbaycanlı xanım aparıcısı Dilşad Əlyarlı ona " Azərbaycan məhz hərbi yolla torpaqlarını, demək olar ki, işğaldan azad edib və hazırda qalan məsələlərin təminat altında siyasi həlli mərhələsinə çıxıb" deməyi "unutdu ". Ən azı, azərbaycanlı olduğuna görə Dilşad Əliyarlı bu xatırlatmanı ona etməli idi. Təəssüf..

Baki-xeber.com

Son xəbərlər