Ankaraya yeni nəzər

Tarix: 30.06.2026 / 18:16
Bölmə: Mədəniyyət

2026-cı ildə "Türk Dünyasının Turizm Paytaxtı" olan Ankarada bu çərçivədə silsilə tədbir və layihələr həyata keçirilir. İyunun 26-da Ankara Sosial Elmlər Universitetində (ASBÜ) təşkil olunan "Türk dünyasında Ankaranın tarixi və mədəni dəyərlərinin anlamı" mövzusunda seminar da qəbildəndir. Türkiyə Daxili İşlər Nazirliyinin Vətəndaş Cəmiyyəti ilə Əlaqələr Baş İdarəsinin dəstəyi, Mədəniyyət və İncəsənət Yazarları Dərnəyinin təşkilatçılığı ilə keçirilən tədbirə azərbaycanlı media və incəsənət təmsilçiləri – Mətbuat Şurasının sədri Rəşad Məcid, teatr və kino rejissoru Saida Haqverdiyeva, Azərbaycan Dövlət Kukla Teatrının Strategiya və kommunikasiya şöbəsinin müdiri, teatr yazarı Həmidə Rüstəmova, həmçinin media nümayəndələri qatılıblar. Ankaranın tarixi, mədəni və mənəvi irsinə həsr olunmuş tədbirdə Türkiyənin dövlət qurumlarının və siyasi partiyalarının nümayəndələri, qeyri-hökumət təşkilatlarının rəhbərləri, ekspertlər iştirak ediblər. Türkiyənin Milliyyətçi Hərəkat Partiyasının (MHP) sədr müavini və Ankara millət vəkili Mevlüt Karakaya, Türkiyə-Azərbaycan Dostluq, Əməkdaşlıq və Həmrəylik Fondunun (TADİV) sədri professor Aygün Attarın da çıxış etdiyi tədbirdə Türkiyə paytaxtının tarixi və sivilizasiya yolu onun Türk dünyasının inkişafına verdiyi töhfələr kontekstində dəyərləndirilib. Ankaranın 2026-cı il üçün "Türk Dünyasının Turizm Paytaxtı" elan edilməsinin türk xalqları arasında əlaqələrin möhkəmləndirilməsi və mədəni mübadilə üçün yeni imkanların yaradılması istiqamətində mühüm addım olduğu vurğulanıb. Bu missyanın Ankaranın turizmin cazibə mərkəzi kimi əhəmiyyətini daha da artıracağına, Türk dünyasının mədəniyyəti və tarixi ilə maraqlanan turistləri Türkiyə paytaxtına daha çox cəlb edəcəyinə əminlik ifadə olunub. Tədbir iştirakçılarına Azərbaycan və Özbəkistanda Türkiyə şəhərlərinin populyarlığı mövzusunda keçirilmiş videosorğu da nümayiş etdirilib. Müzakirələr ASBÜ-nün müəllimi Əminə Sekmen Adalının moderatorluğu ilə panel formatında davam etdirilib. Paneldə Azərbaycan Mətbuat Şurasının sədri Rəşad Məcid, Ankaranın Qazi Universitetinin professoru Oğuzxan Aydın, azərbaycanlı teatr və kino rejissoru Səidə Haqverdiyeva çıxış ediblər. Rəşad Məcid Türk Dövlətləri Təşkilatının platformasında əməldaşlığın inkişafında mədəniyyətin mühüm yeri olduğunu deyib, bu xüsusda Türk dünyasının ziyalıları arasında dialoqun daha da möhkəmləndirilməsinə çağırış edib. Bildirib ki, "Türk Dünyasının Turizm Paytaxtı" statusu Ankaranın turizm potensialının beynəlxalq səviyyədə tanıdılmasına töhfə verəcək. O, həmçinin Türkiyə ilə Azərbaycan arasında qardaşlığın və həmrəyliyin sarsılmaz olduğunu vurğulayıb. Rejissor Səidə Haqverdiyeva Azərbaycan paytaxtı Bakı kimi Ankaranın da qədim və zəngin mədəni irsə malik olduğunu vurğulayaraq bildirib ki, "Türk Dünyasının Turizm Paytaxtı" kimi bu şəhəri daha cəlbedici etmək üçün aidiyyəti qurumların gördükləri işlər təqdirəlayiqdir: "Ümid edirəm ki, "Ankaranın tarixi və mədəni dəyərlərinin Türk dünyasında mənası" seminarı çərçivəsində təşkil edilən bu cür fəaliyyətlər Ankaranın qədim tarixini, mədəniyyətini, gözəlliyini görmək üçün gələn turistlərin sayını daha da çox artıracaq". Seminarın sonunda qonaqlara iştirakçı sertifikatı təqdim edilib. Qeyd edək ki, Azərbaycan Mətbuat Şurasının sədri Rəşad Məcidin başçılıq etdiyi heyət sözügedən seminarda iştirak üçün Türkiyə paytaxtına üçgünlük səfər edib. Seminarın məqsədi Ankaranın Türk dünyasındakı tarixi, mədəni və mənəvi mövqeyi ilə bağlı ümumi baxışı əks etdirən sənədin hazırlanmasıdır.

DİGƏR XƏBƏRLƏR

Tarix: 21.09.2026 / 17:20

Qafqaz Albaniyasının yazılı irsi: Alban əlifbasının genezisi, məhv edilməsi və tarixi saxtalaşdırma cəhdləri

Tarix: 20.09.2026 / 22:22

“Arşın mal alan” operettası Lənkəran teatrının təqdimatında Xankəndidə nümayiş olunub

Tarix: 20.09.2026 / 21:53

Xocavənddə ilk dəfə Şəhər Günü keçirilir

Tarix: 19.09.2026 / 19:40

Yunus Oğuzun “Əmir Teymur və Qara Yusif – Son vəsiyyət” əsəri Türkiyədə çapdan çıxıb

Tarix: 19.09.2026 / 18:30

Türk Dünyası Bəstəkarlar Birliyi yaradıldı - Bakı Bəyannaməsi imzalandı...

Tarix: 19.09.2026 / 12:08

Bakıda I Türk Dünyası Bəstəkarları Qurultayının açılış mərasimi keçirildi

Tarix: 17.09.2026 / 15:27

Musiqi, balet və teatrın dünya ulduzları Bakı Beynəlxalq İncəsənət Festivalında

Tarix: 17.09.2026 / 14:49

Professor Tofiq Nəcəflinin yaradıcılığında tarixi Azərbaycan və Türk memarlığının gizlinləri...

Tarix: 17.09.2026 / 12:19

Qarabağda Alban irsi: Epiqrafik saxtalaşdırmalar və tarixi həqiqətlərin bərpası

Tarix: 16.09.2026 / 15:36

Xudavəng monastırı: Alban irsinin saxtalaşdırılması və mədəni soyğunçuluq reallığı...

Tarix: 16.09.2026 / 12:09

Küləyin səsi...

Tarix: 15.09.2026 / 17:29

Montrödə “Rast”, yaddaşımda Şuşa, bir də "Təbrizin küçələri dolanbadolan" - TƏƏSSÜRAT

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 17.09.2026 / 22:18

Ermənistanda keçmiş "Arsax"la bağlı qondarma dövlət qurumları qadağan edildi...

Tarix: 17.09.2026 / 20:25

Qərbdə Azərbaycana qarşı media kampaniyaları hər gün güclənir - səbəb...

Tarix: 17.09.2026 / 19:44

Ərəblərdən sonra Albaniya Aqvan adlandı, ancaq heç vaxt Hayastan olmadı...

Əliyev Qarabağda dünya presedenti yaratdı - işğala son, separatçılara cəza presedenti...