21/02/2020 04:41
728 x 90

“AtaBank”da pulu olanlar əmanətlərini necə geri almalı?

Əkrəm Həsənov:“AtaBank” artıq aylardır ki, əmanətçilərin vəsaitlərini geri qaytara bilmir”

img

“Atabank” artıq faktiki müflisləşib, bankda yaşanan problemlərin həll olunması üçün kimsə o bankı satın almalıdır”

Son zamanlar “AtaBank”ın müştəriləri olan sahibkarların, əmanətçilərin və digər fiziki şəxslərin bankın fəaliyyəti ilə bağlı haqlı narazılıqları ciddi şəkildə artıb. Sahibkarlar hesabları üzrə əməliyyatlarını vaxtında apara bilmədiklərindən, əmanətçilər isə əmanətlərini vaxtında ala bilmədiklərindən əziyyət çəkir. Buna səbəb bankda ciddi şəkildə likvidlik probleminin yaranmasıdır. “AtaBank”da pulu olan əmanətçilərin vəsaitlərini necə əldə edəcəyini öyrənmək məqsədilə bank sahəsi üzrə ekspert Əkrəm Həsənova müraciət etdik. Ə.Həsənov bizimlə söhbətində qeyd etdi ki, hər bir bankın əmanəti qanunla maksimum 5 iş günü ərzində, vətəndaş tələb etsə, qaytarılmalıdır. O ki qaldı sahibkarlar və hüquqi şəxslərə, bunların sərəncamı ilə onların pulları bir iş gününə qaytarılmalıdır. “AtaBank” artıq aylardır ki, bunu etmir: “Bu halda iki variantdan birini etmək olar. Ya Mərkəzi Bank müəyyən etməlidir ki, bu bankın problemi nədir. Burada iki problem ola bilər. Ya müvəqqəti likvidlik çatışmazlığı var, yəni bankın prinsipcə əmlakı var, sadəcə kreditləri vaxtında qaytarılmır, buna görə də əmanətləri verə bilmir”. Ekspertin sözlərinə görə, bank artıq faktiki müflisləşib. Bunun da tək çarəsi var: kimsə o bankı satın almalıdır. Deyək ki, bankın ziyanı 300 milyondur. Kimsə buna razı olur və bankı satın alır. Belə bir şey baş versə, lisenziya ləğv olunmaya bilər: “Amma bu bir neçə ay ərzində baş verməyibsə, bundan sonra çətin ki, belə hadisə baş verər. Mən hesab edirəm ki, “AtaBank” böyük ehtimalla bağlanacaq”.

Günel CƏLİLOVA

Son xəbərlər