20/02/2020 22:52
728 x 90

Prezident Əliyevin Davosdan yaydığı tezis - daxili və xarici investisiyalar üçün proqnozlaşdırıla bilən siyasət nədir...

Fuad İbrahimov: “Burada söhbət differensial qaydada investorlarla bağlı tətbiq olunacaq yumşaq siyasətdən gedir”

img

Prezident İlham Əliyev Davosda “Carlsberg Group” şirkətinin baş icraçı direktoru Cees’t Hart ilə görüşüb.

Ölkə başçısı Azərbaycanda son illərdə aparılan islahatların artıq müsbət nəticələr verdiyini, bunun xüsusilə şəffaflığın və hesabatlılığın artırılması hesabına vergi və gömrük orqanlarının topladığı büdcə gəlirlərində özünü göstərdiyini qeyd edib. Prezident ölkədə investisiya və biznes mühitinin daha da əlverişli olması istiqamətində islahatların davam etdiriləcəyini, xarici və yerli investorlar üçün vergi, gömrük və digər sahələrdə proqnozlaşdırıla bilən siyasətin həyata keçiriləcəyini vurğulayıb.

Görüşə görə Prezident İlham Əliyevə minnətdarlığını bildirən “Carlsberg Group” şirkətinin baş icraçı direktoru Cees’t Hart dövlət başçısı tərəfindən son illərdə aparılan uğurlu islahatlardan, Azərbaycandakı əlverişli biznes və investisiya şəraitindən məmnunluğunu ifadə edib. Bu tədbirlərin biznes və rəqabət mühitinin sağlamlaşdırılması, həmçinin, şəffaflığın artırılması üçün geniş imkanlar yaratdığını vurğulayıb. Baş icraçı direktor bu imkanlardan faydalanaraq Azərbaycana investisiya qoyuluşunu artırmaq niyyətində olduqlarını qeyd edib.

Bütün bu deyilənlərin fonunda, xarici və yerli investorlar üçün proqnozlaşdırıla bilən siyasət nə deməkdir və bunun əhəmiyyəti nədən ibarətdir?

  • “...qeyri-neft sektorunun inkişafı baxımından bunun əhəmiyyəti böyükdür”

Sözügedən məsələyə aydınıq gətirən iqtisadçı-ekspert Fuad İbrahimovun sözlərinə görə, burada söhbət differensial qaydada investorlarla bağlı tətbiq olunacaq yumşaq siyasətdən gedir: “Yəni investorlarla bağlı elastik siyasətin həyata keçiriləcəyi gözlənir. Məsələn, hər hansı bir qanunun, qərarın tələbləri müəyyən olunubsa, amma dövrün tələbləri ilə uzlaşmırsa, sözügedən qanun təkmilləşdiriləcək. Ona görə də ölkə başçısı çox incəliklə bu məsələyə toxunub. Düşünürəm ki, ümumiyyətlə, gələcəkdə bu qəbildən olan məsələlərdə daha böyük irəliləyişlər olacaq. İnvestorlar üçün vergi, gömrük və digər sahələrdə daha liberal şərait yaradılacaq. Nəticədə həm yerli, həm də xarici investorlar bu imkanlardan maksimum yararlanacaqlar. Bunun əhəmiyyəti böyük olacaq. Nəzərə almaq lazımdır ki, müasir dövrdə hər şey sürətlə dəyişir. Dünya bazarlarında şərtlər, imkanlar dəyişir. Sürətli inkişaf bu sahələrə də təsirsiz ötüşmür. Söhbət ondan gedir ki, investorlarla bağlı hər hansı qərar verildikdə bunu şablon formasında götürüb daim tətbiq etmək olmaz. Bu nöqteyi-nəzərdən müvafiq qurumlar lazım gəldikdə qanunun effektivliyini artırmaq üçün onu təkmilləşdirməlidirlər. Bu kimi tədbirlərin sayəsində Azərbaycan iqtisadiyyatına davamlı sərmayələrin qoyuluşu təmin olunacaq. İqtisadiyyatın çoxşaxəli sektorları inkişaf edəcək. Məxsusən də qeyri-neft sektorunun inkişafı baxımından bunun əhəmiyyəti böyükdür”.

Vidadi ORDAHALLI

Son xəbərlər