Azərbaycanın postneft tədbirləri dünya maliyyə qurumlarını da hərəkətə gətirdi

Tarix: 23.01.2016 / 01:48
Bölmə: İqtisadiyyat

Elxan Mikayılov: "Neftin qiymətinin aşağı düşməsi və nəticədə yaranan iqtisadi böhranın özünəməxsus faydaları oldu"

"Bütün bunlar böhrandan tez çıxmağa ümid verir"

Azərbaycan iqtisadi böhranı Rusiya ilə müqayisədə daha rahat başa vuracaq. Bu barədə Beynəlxalq Valyuta Fondu açıqlama verib. BVF-nin proqnozlarına görə, 2016-cı ildə Rusiyanın ümumdaxili məhsulu 1 faiz azalacaq. Bununla da BVF bu ölkə üçün oktyabr ayında verdiyi proqnozu bir xeyli pisləşdirib.

Oktyabrda BVF Rusiya üçün iqtisadi azalmanı 0,6 faiz səviyyəsində proqnozlaşdırmışdı. Qurumun ekspertlərinin fikrincə, Rusiya iqtisadiyyatı neftin qiymətinin düşməsi və Qərbin sanksiyaları üzündən ressesiyada çabalamaqda davam edəcək.

Əlbəttə, BVF-nin bu xəbəri Kreml üçün ilk bədbin yenilik deyil. Fondun qiymətləndirməsinə görə, Rusiya 2015-ci ili ÜDM-in 3,7 faiz azalması ilə başa vurub. Amma BVF-nin Azərbaycan iqtisadiyyatı üçün proqnozları elə də pessimist deyil. Fondun ekspertlərinin fikrincə, Azərbaycan ÜDM-i 2016-cı ildə 1 faiz artacaq. BVF-nin qiymətləndirməsinə görə, 2015-ci ili Azərbaycan ÜDM-in 1,1 faiz real artımı ilə başa vurub. Fond rəsmiləri 2016-cı ildə qlobal iqtisadi artımın 3,4 faiz olacağını deyib. Bu, əvvəlki 3,6 faizlik proqnozdan daha aşağı göstəricidir. Ekspertlər bunu dünyada baş verən iqtisadi proseslər fonunda Çinin ticarət dövriyyəsinin aşağı düşməsi ilə əlaqələndirib. Bu, eyni zamanda, xammal bazarının və Amerikada iqtisadi artımın zəifləməsinə səbəb olacaq. Fond Rusiya və Braziliyada vəziyyətin qənaətbəxş olmadığını hesab edir.

Ümumən ekspertlər bununla bağlı Azərbaycanın böhrandan çıxma imkanlarını necə dəyərləndirir?

Ölkədəki iqtisadi prosesləri dəyərləndirən iqtisadçı-ekspert Elxan Mikayılovun şərhindən belə məlum oldu ki, Azərbaycanın böhrandan çıxma imkanları daha böyükdür: "İnflyasiya risqinə görə əməkhaqlarını artırmaqdan çəkinmək lazım deyil. Xarici borcla məzənnə və inflyasiya arasında əlaqə də mütləq nəzərə alınmalıdır. Adətən xarici borclar inflyasiyanı artırır. Azərbaycanda isə indiki şəraitdə xarici borclar, əksinə, xarici valyuta təklifini artırmaqla inflyasiyanın azaldılmasına xidmət edə bilər. Digər tərəfdən, neftin qiymətinin aşağı düşməsi və nəticədə yaranan iqtisadi böhranın özünəməxsus faydaları oldu. Belə ki, gəlirlərin azalması hesabına yersiz, şişirdilmiş və korrupsiya yüklü büdcə xərclərinin azalması, optimallaşdırılması baş verəcək. Eyni zamanda, hökumətin, idarəetmənin təkmilləşdirilməsi, dövlət qurumlarının sayının azaldılması və səmərəliliyinin artırılması kimi faydalar özünü göstərdi. Bundan başqa, şəffaflığın nisbətən artması və ictimai nəzarətin gücləndirilməsi, xüsusilə insanların qazanclarının qədrini bilməsi, indiyə qədər olan hədsiz israfçılığa son qoyulması baxımından bunun müsbət effekti var. Dəbdəbəli, yaşayış səviyyəsindən dəfələrlə yüksək olan vasitələrin əldə edilməsinin azalması, zənginliyin yanında qənaətin də vacibliyinin dərk edilməsi və rasional həyat tərzinə keçilməsi kimi müsbət tendensiyalar müşahidə edilməyə başlayır. Bir sözlə, insanlarda keyfiyyət dəyişikliyi baş verir. Biznes mühitinin təkmilləşməsi, lisenziyaların azaldılması, yoxlamaların məhdudlaşdırılması, məmur özbaşınalığının aradan qaldırılması, monopoliya və korrupsiya bəlasından qurtulmaq kimi faktları da bura şamil etmək olar. Bütün bunlar böhrandan tez çıxmağa ümid verir".

Vidadi ORDAHALLI

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...