Prezident bir yazı ilə Azərbaycanda xarici investisiyalara çoxsaylı qapı açdı

Tarix: 23.01.2016 / 02:12
Bölmə: İqtisadiyyat

Zakir Əhmədov: "Həmin məqaləni oxuyanlar bir daha anladı ki, Azərbaycan iqtisadiyyatı yalnız neftdən asılı deyil"

"Hesab edirik ki, məqalənin ölkəyə investisiya cəlbində mühüm rolu olacaq"

"Dünyada davam edən dərin iqtisadi və maliyyə böhranına baxmayaraq, Azərbaycan öz iqtisadiyyatını mənfi təsirlərdən qorumaq üçün hər şey edir". Bu fikirlər Azərbaycan Prezidenti İlham Əliyevin bu günlərdə Davosda keçirilən Ümumdünya İqtisadi Forumunun rəsmi saytında "Azərbaycan iqtisadiyyatının gələcəyi" adlı məqaləsindəndir.

Ölkə başçısı son 10 il ərzində Azərbaycan iqtisadiyyatının 300% artdığını, qeyri-neft sənayesində 8,4%-lik artım müşahidə olunduğunu, yoxsulluq və işsizliyin səviyyəsinin isə kəskin azaldığının qeyd edib.

"Hazırkı şəraitdə hökumətin əsas vəzifəsi makroiqtisadi sabitliyi və inflyasiyanın normal dərəcəsini təmin etməkdir" - deyən Prezident vurğulayıb ki, 2015-ci ilin sonuna inflyasiya səviyyəsi 4%-dən az olub. O bildirib ki, 2016-cı ildə hökumət inflyasiyanı elə bu cür aşağı səviyyədə saxlamağa çalışacaq.

Enerji mövzusuna toxunan Prezident İlham Əliyev vurğulayıb ki, Azərbaycanın təklif etdiyi təşəbbüs və layihələr regiondan kənarda həyata keçirilir və ölkələri, qitələri birləşdirir. Onun sözlərinə görə, Azərbaycan Cənub qaz dəhlizinin dörd layihəsinin hər birində vacib səhmdarlardandır: "Cənub qaz dəhlizi layihəsinin həyata keçirilməsi nəticəsində bir sıra ölkələr alternativ mənbə kimi Azərbaycan qazına çıxış əldə edəcək. Başqa sözlə, Azərbaycan Avropanın qaz təhlükəsizliyinin təmin edilməsində çox mühüm və etibarlı tərəfdaşa çevrilir".

Məqalədə Prezident həmçinin bildirib ki, nəqliyyat infrastrukturunun inkişafı da ölkə üçün prioritet hesab olunur. Bu baxımdan o, İpək Yolu layihəsi, Bakı-Tiflis-Qars dəmir yolu xəttini, Azərbaycanda hava limanları və beynəlxalq dəniz limanının tikintisini qeyd edib.

Bundan başqa, Prezident Azərbaycanda elektron xidmətlərin inkişafından danışaraq ölkədə doqquz "ASAN xidmət" mərkəzinin açıldığını xatırladıb.

Prezident İlham Əliyev Azərbaycanın turizmin inkişafına da böyük diqqət ayırdığını vurğulayıb: "Azərbaycan dünyada multikulturalizm mərkəzlərindən biri kimi tanınır və ölkə əhalisi bununla fəxr edir".

Göründüyü kimi, İlham Əliyev müəllifi olduğu məqalədə Azərbaycan iqtisadiyyatı barədə müfəssəl məlumat verib. Prezidentin yazdığı bu məqalə Azərbaycana xarici investisiyanın cəlbində nə kimi rol oynaya bilər?

İqtisadçı Zakir Əhmədov qəzetimizə açıqlamasında bildirdi ki, Prezidentin yazdığı məqaləyə dünyanın aparıcı media resursları böyük diqqət ayırıb: "Həmin məqalədə Azərbaycan iqtisadiyyatının real durumu və gözlənilən proseslər barədə müfəssəl məlumat verilib. Məlumdur ki, Azərbaycan iqtisadiyyatında neftin önəmli payı var. Son dövrdə neftin qiymətinin kəskin aşağı düşməsi bir sıra mülahizələrin meydana çıxmasına rəvac verib. Azərbaycanın gələcəyi ilə bağlı bədbin proqnozlara da rast gəlmək olur. Ancaq Prezidentin məqalədə verdiyi ətraflı təhlil həmin bədbinliklərin üstündən xətt çəkmiş oldu. Bilirsiniz ki, Prezident son çıxışlarında ölkəyə xarici investorların cəlbinin zəruri olması ilə bağlı tapşırıqlar vermişdi. Davosda yazılan məqalə həmin istəkdə olanlar üçün ən gözəl məlumat mənbəyi olacaq.

Çünki ölkənin birinci şəxsinin verdiyi təminat və iqtisadiyyatımızın dayanıqlı vəziyyətdə olmasından dəqiq heç nə ola bilməz. Həmin məqaləni oxuyanlar bir daha anladı ki, Azərbaycan iqtisadiyyatı yalnız neftdən asılı deyil. Bütün bunları nəzərə aldıqda hesab edirik ki, məqalənin ölkəyə investisiya cəlbində mühüm rolu olacaq".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...