Qeyri-neft məhsullarının ixracını necə stimullaşdırmaq olar...

Tarix: 22.01.2016 / 01:52
Bölmə: İqtisadiyyat

Samir Əliyev: "Qeyri-neft məhsullarının ixracını stimullaşdıran bank yaradılmalıdır"

"Azərbaycanda istər mövcud vəziyyətdə, istərsə də gələcəkdə yeni yüksəliş məhz qeyri-neft sektorunun inkişafından keçir"

Məlum olduğu kimi, Prezident İlham Əliyev qeyri-neft məhsullarının ixracının stimullaşdırılması ilə bağlı əlavə tədbirlər haqqında sərəncam imzalayıb. Sərəncam rəqabət qabiliyyətli qeyri-neft məhsullarının istehsalı və ixracının, ənənəvi və yeni bazarlara çıxış imkanlarının artırılması, bu sahədə əlverişli şəraitin daha da genişləndirilməsi məqsədilə imzalanıb.

Sərəncama əsasən, Nazirlər Kabineti aşağıdakı məsələləri tənzimləyən normativ-hüquqi aktların layihələrini bir ay müddətində hazırlayıb Azərbaycan Respublikasının Prezidentinə təqdim etməlidir:

1.1. kənd təsərrüfatı və emalı məhsullarına ixracla bağlı geri ödəmə dəstəklərinin verilməsi mexanizmi;

1.2. xarici ölkələrə ixrac missiyalarının təşkil edilməsinə, xarici bazarların araşdırılması və marketinq fəaliyyətinə, "Made in Azerbaijan" brendinin xarici bazarlarda təşviqinə, yerli şirkətlərin ixracla bağlı xarici ölkələrdə sertifikat və patentlər almasına, ixracla əlaqəli tədqiqat-inkişaf proqram və layihələrinə çəkilən xərclərin dövlət büdcəsi hesabına ödənilən hissəsi və ödənilmə mexanizmi.

Sərəmcana əsasən, İqtisadiyyat Nazirliyinə bu məsələlər həvalə edilib:

2.1. ixrac yönümlü istehsala verilən kreditlərə əlavə güzəştlərin tətbiqi məqsədilə Azərbaycan Respublikası Prezidentinin 2009-cu il 7 oktyabr tarixli 162 nömrəli Fərmanı ilə təsdiq edilmiş "Azərbaycan Respublikası Sahibkarlığa Kömək Milli Fondunun vəsaitlərinin istifadəsi Qaydaları"na müvafiq dəyişikliklərin edilməsi ilə bağlı təkliflərini bir ay müddətində hazırlayıb Azərbaycan Respublikasının Prezidentinə təqdim etməlidir;

2.2. potensial ixrac bazarları ölkələrində logistika mərkəzlərinin yaradılması ilə bağlı təkliflərini iki ay müddətində hazırlayıb Azərbaycan Respublikasının Prezidentinə təqdim etməldir;

2.3. ixrac məlumat bazasının (elektron portal) formalaşdırılmasını təmin etməlidir.

İqtisadiyyat naziri Şahin Mustafayev Milli Məclisin (MM) İqtisadi siyasət, sənaye və sahibkarlıq, həmçinin, Hüquq siyasəti və dövlət quruculuğu komitələrinin birgə iclasında çıxışı zamanı deyib ki, sərəncama əsasən, qeyri-neft ixracının subsidiyalaşdırılması mexanizmi hazırlanacaq: "Artıq Prezident müvafiq sərəncamla Nazirlər Kabinetinə tapışırıq verib. Azərbaycanda milli brendin yaradılması, qeyri-neft ixracının təşviqi və bu prosesdə dövlətin birbaşa iştirakı nəzərdə tutulur. Bununla da Azərbaycanda qeyri-neft ixracının stimullaşdırılmasına nail olacağıq. Kənd təsərrüfatı, emal və sənayə sahəsi üzrə 150-yə yaxın layihə bir il yarım ərzində icra olunmalıdır və nəticədə 15 minə yaxın yeni iş yeri açılmalıdır. İqtisadi aktivlik yüksəlməlidir. Layihə xərclərinin azalması nəticəsində Azərbaycan məhsullarının rəqabət qabiliyyəti artmalıdır. Dövlət satınalmalarında yerli istehsalın payı artmalıdır. Bununla da daxili istehsalı qorumuş olacağıq".

İqtisadçı-ekspert Samir Əliyevin sözlərinə görə, Azərbaycanda istər mövcud vəziyyətdə, istərsə də gələcəkdə yeni yüksəliş məhz qeyri-neft sektorunun inkişafından keçir: "Bunun da üsulu ixracyönlü siyasət həyata keçirməkdir.

Çünki Azərbaycan bazarı kiçik olduğuna görə daxili bazara yönəlik siyasət səmərə verməz. Deməli, bizim yeganə çıxışımız ixrac vasitəsilə ölkəyə valyuta gətirməkdir. Odur ki, ixracı stimullaşdırmaq çox vacibdir. Bunun üçün də dövlət dəstəyinin olması lazımdır.

Dövlət regionlarda emal zavodları tikib. İndi isə onların istehsal etdiyi məhsulun rəqabət qabiliyyətini artırmaq lazımdır ki, xarici bazarda alıcı tapa bilsin. İkinci növbədə güzəştli kreditləri təmin edəcək institutlar yaradıla bilər. Məsələn, bütün dünyada ixraca dəstək bankı fəaliyyət göstərir. Yəni bizdə də ixracı stimullaşdıran bankın yaradılması yaxşı olardı. Belə ki, bu bank ixrac müəssisələrinə güzəştli şərtlərlə kredit verir.

Həmçinin ixrac üçün dövlət tərəfindən müəyyən güzəştlərin tətbiq edilməsi mümkündür. Eyni zamanda istehsal etdiyimiz məhsulların xammalının yerli istehsal hesabına təmin edilməsi vacibdir. Bir amil də milli valyutadır. Milli valyuta rejimi elə olmalıdır ki, ixrac etdiyimiz məhsul qiymət baxımından rəqabət qabiliyyətli olsun".

Günel CƏLİLOVA

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...