Regionlarımız bu il azı 1 milyard manat investisiya gözləyir

Tarix: 22.01.2016 / 01:47
Bölmə: İqtisadiyyat

Rəşad Həsənov: "Regionlara investisiyanın qoyulması bölgələrin inkişafını stimullaşdıracaq"

"Ölkə başçısının son müşavirələrdə qeydləri idxal və ixrac proseslərində, yerli istehsalda, kənd təsərrüfatı..."

Prezident İlham Əliyevin yanında iqtisadi və sosial məsələlərin həlli ilə bağlı keçirilən son müşavirədə dövlət başçısı Nazirlər Kabinetinin ötən iclasında verilən tapşırıqlar yerinə yetirildiyi təqdirdə Azərbaycanın çətinliklərdən asanlıqla çıxacağını bildirməklə yanaşı, ölkədə islahatların dərinləşməsinin vacibliyini də vurğulayıb.

Dövlət başçısı qeyri-neft sektorunun inkişafının indiki vəziyyətdə prioritet olmasının vacibliyini bir daha bəyan edib. O, Sahibkarlığa Kömək Milli Fondunun dəstəyi ilə bu il 250 milyon manat güzəştli kreditlərin veriləcəyini, sahibkarların öz maliyyə resurslarını da nəzərə alaraq, o zaman regionlara qoyulan investisiyanın həcminin təxminən 1 milyard manat olacağını bildirib.

Prezident hesab edir ki, iş adamlarımız ilk növbədə Azərbaycana sərmayə qoymalıdır. Belə şəraitdə daxili bazarda istehsal məhsullarının qiymətlərinin təbii yolla tənzimlənməsi üçün tədbirlər paketi hazırlanıb. Yaradılan iri fermer təsərrüfatları, taxılçılıqla məşğul olan təsərrüfatlar və yeni yaradılacaq müəssisələr qısa müddət ərzində bu problemin həllinə kömək göstərəcək. Cari ildə də dövlətin güzəştli kreditləri hesabına investisiya layihələrinin maliyyələşdirilməsi və eləcə də kiçik sahibkarlığın daha da inkişaf etdirilməsi üçün müvafiq tədbirlər görüləcək. Dövlətin iqtisadi siyasətinin başlıca istiqamətlərindən biri özəl sektorun hərtərəfli dəstəklənməsi, onun daha da genişlənməsi və əlverişli mühitin yaradılması, bu sahədə yaradılan müxtəlif yardım və təşviq mexanizmlərinin tətbiq edilməsidir.

Ümumən 2016-cı il ərzində regionlara 1 milyard manat investisiyanın qoyulması regionların inkişafı baxımından nə deməkdir?

Sözügedən məsələni dəyərləndirən iqtisadçı-ekspert Rəşad Həsənov hesab edir ki, bu, regionların inkişafına müsbət təsir göstərəcək. Onun fikrincə, ölkə başçısının son müşavirələrdə qeydləri göstərir ki, idxal və ixrac proseslərində, yerli istehsalda, kənd təsərüfatı istehsalçılarının bazara çıxmasında və digər istiqamətlərdə çox ciddi addımlar atılır: "2015-ci ilin iqtisadi nəticələri və neftin ucuzlaşması onu göstərdi ki, ölkə resurs asılılığını minimuma endirməlidir. Sahibkarlığın inkişafı istiqamətində artıq 2016-cı ilin ilk günlərindən ciddi addımlar atılmağa başlanıb. Belə ki, ölkə başçısının son müşavirələrdə qeydləri idxal və ixrac proseslərində, yerli istehsalda, kənd təsərrüfatı istehsalçılarının bazara çıxmasında və digər istiqamətlərdə çox ciddi addımlar atılmasına sübutdur. Yanvarın 18-də ölkə başçısı tərəfindən ixracın stimullaşdırılması məsələlərini əhatə edən və investorların təşviqi sənədinin verilməsi ilə bağlı iki fərman imzalanıb. Hər iki fərman onu göstərir ki, hökumət bu istiqamətdə ciddi işlər görür. Mən düşünürəm ki, hökumət bu istiqamətdə səyləri daha da gücləndirməli, iqtisadiyyatın hazırkı vəziyyətində ölkəyə xarici valyuta axınını cəlb etmək məqsədilə xarici investorların marağını çəkməlidir. 2016-cı ildə bir çox islahatlar gedəcək və xüsusən də qeyri-neft sektorunun inkişafı təmin olunacaq. Regionlara investisiyanın qoyulması bölgələrin inkişafını stimullaşdıracaq. Bu imkan verəcək ki, regionlarda yeni iş yerləri açılsın".

Vidadi ORDAHALLI

DİGƏR XƏBƏRLƏR

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

Tarix: 21.10.2026 / 10:23

Avropalı investorların Qarabağ, Şərqi Zəngəzur və Naxçıvana marağı artır - Aİ hesabatı

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...