Naxçıvanın bank təcrübəsi bütün Azərbaycanda...

Tarix: 29.12.2015 / 01:15
Bölmə: İqtisadiyyat

Azər Mehtiyev: "Hökumət vətəndaşların çıxılmaz vəziyyətə düşməsini nəzərə almalıdır"

Qulu İsmayılov: "Xeyirlə işləyən banklar özü, zərərə düşənlər isə dövlətin edəcəyi yardımla bu işi reallaşdıra bilər"

Son devalvasiya qərarından sonra yaranmış əsas narazılıqlardan ən başlıcası dollarla kredit götürən vətəndaşların arasında yaşandı. Onsuz da ehtiyacı olan insanlar yeni məzənnəyə görə həm faiz, həm də qalxan məzənnə ekvivalentində manat ödəməlidir. Ancaq Naxçıvan MR-də dollar krediti olan vətəndaşlara unikal bir jest edilib.

Naxçıvan Muxtar Respublikası Ali Məclisinin sədri Vasif Talıbovun yanında manatın devalvasiyasının yaratdığı iqtisadi və sosial nəticələri mümkün qədər kompensasiya etməyin yolları aranıb. Kompleks tədbirlər toplusunun mühüm bir istiqaməti kimi ABŞ dolları ilə kredit borcları olan vətəndaşlara güzəşt məsələsinə baxılıb. Bu məsələ ilə bağlı Ali Məclis sədri tapşırıq verib ki, Naxçıvanda banka ABŞ dolları ilə kredit borcu olan sakinlər borclarını ödəyib qurtaranadək (yalnız kredit borcu olanlar borcunu ödəyən zaman) 1 dollar = 1.05 manat ekvivalentində konvertasiya edilsin.

Qeyd edək ki, bu qərar əhali tərəfindən böyük sevinclə qarşılanıb. Hətta paytaxt Bakıda yaşayan ən radikal müxalifətçilər belə Vasif Talıbovun qərarını öz yazıları ilə alqışlayıb.

Muxtar Respublika sakinlərindən Xanım Kərimova Azadlıq Radiosuna deyib ki, bu ilin sentyabr ayında "Naxçıvanbank"dan 3 min ABŞ dolları kredit götürüb. Xanım Kərimovanın sözlərinə görə, 26 faizlə götürdükləri bu pul onlara oğlunun toyu üçün lazım olub: "Şükür Allaha, oğlumun toyunu etdik. Bu devalvasiyadan sonra yaman narahat idik. Getdim "Naxçıvanbank"a. Oradan dedilər ki, narahat olmayın, Naxçıvan Ali Məclisinin sədri Vasif Talıbov göstəriş verib ki, ödənişləri əvvəlki kursla, yəni 1 manat 5 qəpik kursu ilə ödəyəcəksiniz. Bizim kredit faizini ödəməyimizə hələ bir həftə qalıb. Sağ olsun Vasif müəllim, indi daha narahat deyilik. Əgər ödənişi təzə kursla etsəydik, bu bizim ailə büdcəmizə böyük ziyan olardı. Onda ödəmək çox çətin olardı".

Qeyd edək ki, paytaxt və əyalətdə yaşayan və dollarla krediti olan vətəndaşların bir çoxu Naxçıvan modelinin digər yerlərə də tətbiqini istəyir. Bu mümkündürmü?

İqtisadçı Azər Mehtiyev deyir ki, kredit risqdir, vətəndaşlar əvvəlcədən bu risqi nəzərə almalı idilər: "Ancaq, təbii ki, burada hökumətin məsuliyyəti də var. Hökumət vətəndaşların çıxılmaz vəziyyətə düşməsini nəzərə almalıdır.

Kimsə belə bir ideya ortaya atıb ki, devalvasiyadan sonra Milli Bankın valyuta ehtiyatlarının yenidən qiymətləndirilməsi nəticəsində yaranmış 3 milyard manatdan güzəşt üçün istifadə etmək olar. Yəni bunu xarici valyuta ilə kredit borcu olanlarda yaranmış fərqin qarşılanmasına yönəltmək olar. Milli Bankın valyuta ehtiyatları fərz edək ki, 6 milyard dollardır. Dekabrın 21-dən qabaqkı kursla bu, 6.3 milyard AZN edirdi. İndiki məzənnə ilə isə 9.3 milyard AZN. Bu təklifi buna əsasən deyirlər. Ancaq nəzərə alın ki, Milli Bankın valyuta ehtiyatları elə xarici valyutada saxlanır, elə buna görə valyuta ehtiyatları adlanır".

Digər iqtisadçı Qulu İsmayılov isə Naxçıvan təcrübəsinin digər regionlara da şamil oluna biləcəyinin mümkünlüyü qənaətindədir: "Təbii ki, dövlətin banklara hansısa yardımlar etmək proqramı olmalıdır.

Elə banklar var ki, bu prosesdən heç zərərlə çıxmayıb. Xeyirlə işləyən bankların özü, zərərə düşənlər isə dövlətin edəcəyi yardımla bu işi reallaşdıra bilər".

Məhəmmədəli QƏRİBLİ

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 02.07.2026 / 20:10

Dövlət qurumlarının portal və mobil tətbiqləri birləşdirilir - Mehriban Əliyevanın rəhbərlik etdiyi Şura böyük islahatlar mesajını verdi...

Tarix: 02.07.2026 / 15:16

Xırdalan Xəstəxanasına qarşı kəskin iddia - orqan köçürülmüş xəstələr ölüm təhlükəsində?...

Tarix: 25.06.2026 / 20:33

Əmək pensiyası yaşına görə qonşular bizi bir neçə il qabaqlayır...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...